Génesis 2:1 - Cofán: Chiga Tevaen'jen

¹ Tsa'caen tsu Chigaja pa'cco sefacco andeve'qque agattoemba osha'cho tsani jincho'chove nanitsse agattoen.

Génesis 2:1 Referans Kwoze

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Génesis 1:1

Me'ttia'ye Chigaja sefacco, andeve'qque agattoen.

Isaías 42:5

Na'su Chigaja sefaccove agattoemba attajaen. Andema agattoemba tsa'ye sombo'chondeccuve'qque agattoen. A'ive'qque tsanga agattoemba qquendyaemba cansian. Qquen tsu tsaja tisema shondo'sunga su:

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Hebreo'su 4:3

Tsa'ma ingija pañamba gi ca'ni'faya Chigai'ccu tsangae opatsse canseye. Nane Chigaja in'jambindeqquiane qquen su: In'jambisi Ñajan tise'pama iyicca'yepa ñoa'me su'choi'ccu su: “Tsendeccuja Ñai'ccu ca'ni'faya'bi tsu tsangae opatsse canseye.” Qquen supa tsu opatsse can'jeña'chone conda. Nane me'ttia'ye andeve agattointe Chigaja tsa'caen antte cuintsu aindeccu ca'ni'faye.

Tson'fa'cho 4:24

Tsonsi poiyi'cco pañamba fae'be aya'fa'caeñi Chiga Quitsama fae'ngae iñajan'fa: —Joccapitssia Na'su, que qui sefacco, ande, mar, osha'cho tsani jinqque'suve'qque agattoen'su.

Isaías 65:17

“Que Canjan. Cuna sefacco, cuna andeve gi agattoeña. Tayo pasa'choma aqque'papa minguite'qque a'ija tsama injan'jeñambi.

Génesis 2:4

Qquen tsu Chiga agattoen'choja, ma'caen tiseja ande sefaccoma'qque agattoen: Na'su Chiga tsa'caen ande, sefaccove'qque agattointeja

Génesis 1:10

Tsa'caen dasi Chigaja san'ama andeve inisian. Tsa'caen na'en fa'enga bo'choma'qque marve inisian. Inisiamba pa'ccoma camba ñotssisi attepa avujatssi. Avujatssipa

Isaías 55:9

Nane sefacco andema ombanga jinqquia'caen Ña in'jan'cho tsu que'i in'jan'choma ti'tsse'tssia. Toya'caen ña tson'cho tsu que'i tson'choma ti'tsse'tssia.” Qquen tsu Na'suja ñoa'me su.

Tson'fa'cho 7:42

Tsonsi Chiga Quitsaja tsendeccuma catiqquia'caen tson cuintsu osha'cho sefacconi'su jincho'choma chigama'caen iñajan'faye. Tsa'cansi tsu tayopi'su Chiga Aya'fama afasundeccuja qquen tevaen'fa: Israendeccu, que'ija cuarenta canqque'fave a'i menia can'jemba ¿ñoa'me ñanga ti qui afe'fa que'i osha'choma fi'ttipa afe'choma?

Lucas 2:13

Tise tsa'caen su'je'ni tse'faei'ccuyi tsain'bio Chigama sefacconi'su shondosundeccu tisei'ccu fae'ngae attian'fa. Tsa'caen attiamba Chigama ñotsse afapa su'fa:

Salmos 104:2

Nane chanjunqque'su quema onccan'ma'caen ondiccupa qui sefaccoma'qque attajaen que can'jeña'chove.