Génesis 17:1 - Cofán: Chiga Tevaen'jen

¹ Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 17:1 Referans Kwoze

Filipo'su 4:13

Cristo ñama fuitesi gi osha'choma oshacho.

Efeso'su 3:20

Chigaja ñotssia tsu. Tiseja osha'choma oshacho qquen in'jamba gi Tisema iñajan'fa. Tsa'ma Tiseja ingima quiñaemba ingi in'jamba iñajan'choma ñoa'me ti'tsse pan'sha'en tsu tsoña.

Génesis 6:9

Va tsu Noéne condase'cho: Noéjan ño'an a'isi poiyi'cco tise cansuite'su aindeccu'suma tise'veyi tsu Chigaja in'jan. Nane tiseja Chigama ñotsse pañamba canse.

Lucas 1:6

Tsendeccuja Chigave in'jamba ño'a'fa. Pa'cco Chiga manda'choma ñotsse pañamba shaca mecho canse'fa.

Mateo 5:48

Chiga que'i sefacconi'su Quitsaja tsangae ño'a tsu. Que'i'qque Tisia'caen in'jamba tsangae ño'ame dapa canse'faja.

Job 1:1

Uz andeni tsu fae a'i, Job, qquen inisecho'choja can'jen. Tsa a'ija egae tsincombe'yi ñotsse canse. Nane dyoe'sui'ccuyi tsu ñotsse Chigave in'jan. Toya'caen faesuma egae tsincoñe in'jambi.

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Mateo 19:26

Tsa'ma Jesús tise'pama camba su: —A'ija tsa'caen osha'fambi. Tsa'ma Chigaja osha'choma oshacho.

Génesis 28:3

Chiga Osha'choma Oshacho'cho quenga ñotsse tsonsi qui tsain'bio omba'su dushundeccuve atapoeña. Nane que'ye tsu tsain'bio aindeccu atapapa fae naccuve da'faya.

1 Reyes 3:6

Pañamba Salomónjan su: “Quema shondo'su ña yaya David'yenga qui ñoa'me ñotsse tson. Nane tise quema ñotsse pañamba ñotsse cansepa tise injama'choni ñotsse tsoñe in'jansi qui tisema ñotsse tson. Ja'ño a'tangae tisema ñotsse tsomba tisenga dutssi'yema afe cuintsu tise manda'je'chonga ca'niñe.

Génesis 35:11

ti'tsse qquen su: “Ña gi Osha'choma Oshacho'cho Chiga. Tsain'bitssi du'shuve an'biamba qui omba'su dushundeccuve'qque tsain'bitsse atapaja. Nane que'ye tsu tsain'bio aindeccuve sombopa fae naccuve da'faya. Tsa que omba'su dutssiyendeccu'su tsu nasundeccuve da'faya.

Hebreo'su 7:25

Tsa'camba Jesúsja tsangae nanitsse a'ima ccushaeñe osha. Poiyi'cco majan tise've in'jamba Chiganga catse'nijan tise tsu ccushaeña. Tsangae tsu Jesúsja canse tsendeccune Chigama afaye.

Hebreo'su 12:28

Tsa'cansi ingija Chiga aindeccuve da'ta gi tsangae jincho'faya. Tsa'caen atesupa gi avujatsse Chigama afa'je'fa. Nane Tisema ñotsse in'jamba jinge Tise in'janqquia'caen can'jemba dyoe'sui'ccu Tisema iñajan'faye.

Tson'fa'cho 24:16

Tsa'caen in'jamba gi ma'caen osha'ta ñotsse canse, Chiga caña'jen'ni, toya'caen aindeccu caña'jen'ni'qque.

Génesis 48:15

Tsa'caen pporaen'chopa Josénga ñotsse tsoña'chove qquen afa: “Chiga Quitsa, ña yayandeccu Abraham'ye toya'caen Isaac'ye quema ñotsse pañamba canse'fa. Que qui ñama isu'cho a'ta ashaemba ja'ñoa'ngae ñama ñotsse coira'je.

Génesis 12:1

Fae a'ta tsu Na'su Chigaja Abramma su: “Que andema catipa ña quenga can'jeña'cho andenga jaja. Nane que antiandeccu, que yaya tsa'oma'qque catipa jaja.

Génesis 5:24

Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

Tson'fa'cho 23:1

Pabloja nasundeccu bo'fa'choma camba su: —Faenga'su israendeccu, ja'ño a'tangae, Chiga Quitsa ñama caña'jensi gi ñotsse in'jamba canse.

Job 11:7

¿Osha ti qui osha'cho Chigane jinchoma atesuye? ¿Nane tise injama'cho in'jan'choma atesuyeta ti qui osha?

Números 11:23

Tsa'caen susi Na'su Chigaja su: —¿In'jan ti qui tsata tsu re'ricco ñane'jan? Ja'ño qui atteya ña suqquia'caen ña ñoa'me tson'choma.

Génesis 18:1

Tsonsi Na'su Chiga ccase Abrahamnga attian Mamrembe roble quini'ccoccuni. Enttinge a'ta a'que'osi Abrahamjan tise carpa tsa'o'su sombo'ttini dyai.

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Daniel 4:35

Va ande'su a'i majan tisia'can'me me'i'on tsu. Tise tsu tson'jen ma'caen tisu in'janqquia'caen, sefacconima, toya'caen andenima'qque. Nane majañi'qque, ti'tsse'tssia qquen in'jamba, tise oshacho'chone toya'caen tise in'jamba ma'caen tson'chone– ¿Jongoesie qui tson? ¿Ma'caen qui tson? –qquen iñajampañaña'chove me'i'on tsu.

1 Reyes 8:25

Tsa'caen tsomba Na'su, israe'su Chiga, chigáne que faesu su'choma'qque nanitsse tsonjan. Queja, quema shondo'su ña yaya David'yenga conda tise omba'su dutssiyendeccu Israel ande na'suve da'je'choma pasaya'bi'choa've. Nane David canseqquia'caen cansepa pa'cco que manda'choma pañamba tson'ninda qui tise'pama in'jamba tsa'caen antteya.

Génesis 16:16

Abramjan ochenta y seis canqque'fave an'bian'ni tsu Ismaelma isu.

Génesis 5:22

Enocja ñoa'me Chiga in'janqquia'caen canse. Matusalénme isusi Enocja faesu tresciento canqque'fave tsa'caen can'jemba ti'tsse tsu tsandie, pushesu du'shuve an'bian.

Génesis 24:40

Qquen ña iñajampañasi tsu tiseja su: ‘Ñanda gi Na'su Chigave in'jamba canse. Tsa'cansi tise tsu tisema shondo'suma quei'ccu moeña cuintsu quema fuitepa ñotsse angasi queja tseni'su pushesuma ña dutssi'yembe iye ña antiandeccu'suma, nane, ña yaya'ye antiandeccu'suma.

Génesis 26:2

Tsa filisteo'su na'suja Abimelec. Tseni tsu Na'su Chigaja attiamba su: “Egiptoni jajama. Ma'ttinga ña su'ninda tse'ttini can'jenjan.

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Génesis 46:3

Tsa'caen susi Chigaja su: —Ña gi Chiga Quitsa, que yaya'yembe Chiga. Dyombe'yi Egiptoni jaja. Nane tseni gi que omba'su dushundeccuve tsain'bitsse atapoeña.

Deuteronomio 30:20

Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Génesis 48:3

Jangi dyaipa Josénga su: —Tsa Chiga Osha'choma Oshacho'cho tsu Canaán ande'su Luz canqqueni ñanga attiamba ñotsse afapa

Números 24:16

Na'su Chiga Balaamma in'jaensi tsu in'jamba afa'je. Nane andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.