Génesis 14:7 - Cofán: Chiga Tevaen'jen

⁷ Tsa'caen patsupa toequi shandapa jipa Quedorlaomer, tisei'ccu fae'ngae geraen'fa'chondeccu'qque En-mispatni nepi'fa. Tsa canqquembe faesu iniseja Cades. Tseni nepipa pa'cco amalecitandeccu andema da'ñomba sefaen cati'fa. Toya'caen tsa'caeñi tsu tson'fa amorreondeccumbe Hazezon-tamar andema'qque.

Génesis 14:7 Referans Kwoze

Génesis 20:1

Tsonsi Abraham tise can'jen'cho'ye sombopa Néguev andeni ja. Tseni japa Gerar canqqueni ca'nimba can'jen. Gerar tsu Cades canqque, Shur canqque enttingeni.

Génesis 16:14

Tsa'caen tsonsi tsu tsa tsa'ccu posoma inisian'fa Lajairoi poso, “Ñama atte'su Cansian Chigambe poso” qquen su'chove. Tsa posoja Cadesne Beredni ja'je'cho enttingeni.

Números 24:20

Tsomba Balaamjan Amalec aindeccuma attepa qquen su: “Amalecja poi aindeccuma ti'tsse'tssia tsu. Tsa'ma osefa'poe tsu me'tsse daya.”

Números 20:1

Cuna canqque'fa ca'nimba nepi'cho ccovuni tsu israendeccuja Zin a'i menia nepi'fa. Tsomba Cadesni re'ricco can'jen'fa. Tseni can'jemba María pasi tse'ttinga a'tu'fa.

Números 14:45

Tsa'caen ja'fasi amalecitandeccu, cananeondeccu'qque tsa andeni can'jensundeccupa israendeccui'ccu iyiccoye sombo'fa. Tsa'caen sombopa Hormani ne'pitsse israendeccuma fitti'ñacca anga moe'fa.

Números 14:43

Nane tayo tsu ronda'je'fa amalecitandeccu, cananeondeccu'qque que'i'ccu iyiccopa que'ima fitti'ttiye. Ñoa'me gi su tayo qui Na'su Chigama catisi tise'qque que'ima catipa ja'ñojan que'i'ccu jacambi.

Números 13:26

toequi Cadesni jipa Parán a'i menia nepi'fa. Tse'tti tsu Moisés Aarón toya'caen poiyi'cco israendeccu can'jen'fa. Tsa'caen nepipa tisupa japa atte'choma condasepa tseni'su teta'choma'qque canjaen'fa.

Génesis 36:16

Coré, Gatam toya'caen Amalec. Tsendeccu tsu Elifaz dutssiyendeccu, Edom andeni'su nasundeccu. Poiyi'cco tsu Esaú pushe Ada omba'su dushundeccu.

Génesis 36:12

Toya'caen Elifaz tise ambian'cho Timnanga du'sian'cho tsu Amalec. Vandeccu tsu Esaú pushe Adambe omba'su dushundeccu.