Génesis 1:14 - Cofán: Chiga Tevaen'jen

¹⁴ Tsonsi Chigaja su: “Sefaccone chanjunqque'su a'tatssia've chanjunjan cuintsu a'taja cose'ye joqquitssiye. Tsa'caen chanjumba tsu a'tave, canqque'fave'qque canjaeña. Osha'cho naiteve'qque tsu canjaeña.

Génesis 1:14 Referans Kwoze

Jeremías 31:35

Na'su Chigaja coejechigave ñoña a'tama atian'suve. Toya'caen cose'suchiga, o'feve'qque ñoña cosema atian'suve. Marni'su shave'pama'qque jangian cuintsu quian'me zonzoeñe. Nane Osha'choma Oshacho'cho Na'su tsa'caen ñoña'suja qquen su:

Génesis 8:22

Nane ande toya jin'ninda joña'cho taiya'cho'qque pasaya'bi. Chan'dia, coe'je'qque pasaya'bi. Coejefa, sanfan'qque pasaya'bi. A'ta, cose'qque pasaya'bi.”

Mateo 24:29

Tsequi a'ta vana'jen'cho pasasi coejechiga tsu si'ame daya. Cose'suchiga'qque chanjuña'bi. Sefacconi'su o'fe'qque amppi'faya. Nane pa'cco sefacconi'su jincho'cho'qque oya'faya.

Jeremías 33:20

“Ña, Na'su gi su: Ña, coejechiga, cose'suchigama mandapa cambiambiqquia'caen gi ña Davidi'ccu fae'ngae injancco'fa'choma'qque cambiañe oshambi. Nane coejechiga coseve chanjuña'bi ni cose'suchiga a'tave chanjuña'bi. Toya'caen David dutssi'ye mandaya qquen su'chosi tsu tsa'caen manda'jeya. Leví dutssiyendeccu'qque ñanga afe'choma afe'jeya qquen su'chosi tsu tsa'caen afe'je'faya.”

Canjaen'cho 6:12

Tsonsi Oveja sexto ancaen'choma battiansi pa'cco ande quia'me oya. Coejechigaja si'ame tsu da. Nane pan'jaen'cho qquen injan'jeñe si'ama ondiccuqquia'caen tsu si'ame da. Cose'suchiga'qque anjampa'caen cu'ave da.

Mateo 2:2

iñajampaña'fa: —¿Mani tsu voeyi isu'cho israe na'suja can'jen? Coejechiga sombo'jeni can'jemba gi tise o'fema attepa ttatta'su ji'fa Tisema iñajamba ñotsse afaye.

Canjaen'cho 8:12

Cuarto Chigama sefacconi'su shondo'suja jeñasi coejechiga'qque, fae tercera'su enttingeccoyi tsu si'ame da. Nane cose'suchiga, o'fe'qque, fae tercera'su enttingeccoyi tsu si'ame da'fa. Tsa'caen da'fasi a'ta cose'qque fae tercera'su enttingeccoyi tsu sinttia've da'fa.

Lucas 23:45

Tsa'caen coejechiga da'je'ni Chiga etti'su Chigai'ccu cachuicco'je'cho cuartoma picco'je'cho sarupa'qque chittain ja.

Marcos 13:24

Tsequi a'ta vana'jen'cho pasasi coejechiga tsu si'ame daya. Cose'suchiga'qque chanjuña'bi.

Canjaen'cho 9:2

Afesi japa ande tsosinima can'jen'cho chango sombo'ttima fetta. Tsama fettasi tsu onfen'baja sombo. Nane rande ju'ruqque'su si'ngema oque o'rae'ma'caen onfen'baja sombopa piccosi coejechiga, sefacco'qque si'ame da'fa.

Génesis 1:13

Cosepa a'tasi tercer a'ta tsu.

Génesis 1:15

Toya'caen tsa'caen sefacconi chanjumba tsu andema attiaña.” Tsa'caen susi tsa'caen tsu da.