Galacia'su 1:13 - Cofán: Chiga Tevaen'jen

¹³ Tayoe ñajan israendeccu in'janqquia'caen gi in'jan. Tayo qui paña'fa ña tsa'caen in'jamba ma'caen tsincon'choma. Jesúsve in'jamba bo'je'chondeccuma gi panshaen quia'me noñangian, osha'ta tsa in'jan'choma tsangaeyi pasaeñe.

Galacia'su 1:13 Referans Kwoze

Tson'fa'cho 8:3

Toya'caen Jesúsve in'jan'chondeccuma iyicca'yepa mandian'jen'fasi Saulo'qque fae'ngae mandian'jen. Faesu tsa'o, faesu tsa'onga ca'nimba tsandie pushesuma'qque indipa angapa piccoje'cho ettinga picco.

1 Corinto'su 15:9

Ñoa'me gi poiyi'cco Jesúsne afasundeccune utu'ccoa. Ñajan tayoe Cristove in'jan'chondeccuma noñangiamba fitti'ttipa ñotssimbi gi cuintsu Chiga ñama ttu'seye Jesúsne afa'suve.

Tson'fa'cho 9:26

Sauloja Jerusaléni japa faenga'su Jesúsve in'jan'chondeccunga piye in'jansi tsendeccuja dyojopa in'jan'fambi. Nane Sauloja aqquia Jesúsve in'janqquia'caen afopoen qquen in'jamba tsu tisema dyojo'fa.

Tson'fa'cho 9:21

Qquen condase'jesi poiyi'cco pañasundeccu asi'ttaemba su'fa: —¿Va tsandie'ta ti Jerusaléni'su Jesúsve in'jan'chondeccuma fi'ttiye mandian'can'sumbi'a? ¿Toeyita ti vanisundeccuma'qque indipa Chigama afasundeccunga angapa afeye jimbi?

1 Timoteoga 1:13

Nane ñajan tayoe ñotsse condase'choma afasepa Cristove in'jan'chondeccuma noñangiamba da'ño. Tsa'ma ñajan toya tise've in'jambipa atesumbe'yi tsa'caen tsinconsi Chigaja ñama mende'ye.

Filipo'su 3:6

Ñoa'me patsuye in'jamba gi Cristove in'jan'chondeccuma iyicca'yepa noñangian. Pa'cco Chiga manda'choma pañamba gi shacave mecho.

Tson'fa'cho 8:1

Tsa'caen fi'tti'fasi tsa Saulo'qque fae'ngae tsendeqquia'caen in'jan. Tsequi a'ta tsa'caen tsomba ñoa'me iyicca'yepa mandiañe ashaen'fa Jerusaléni'su Jesúsve in'jan'chondeccuma'qque. Tsa'cansi poiyi'cco dyopa ccuyapa jaja'fa. Majanjan Judea andeni, majanjan Samaria andeni'qque jaja'fa. Nane tsa doce Jesúsne afasundeccuyi tsu toya Jerusaléni can'jen'fa.

1 Corinto'su 10:32

Que'i asi'ttaembe tson'choi'ccu israendeccuma qqueña'fajama. Ni Chigave in'jambi'chondeqquiama'qque qqueña'fajama. Ni Cristove in'jan'cho faengasundeccuma'qque qqueña'fajama.

1 Timoteoga 1:14

Nane tsa'caen ñama mende'yepa tsu ingi Na'suja ñama ñoa'me ñotsse tson. Tsa'caen ñotsse tsonsi Cristo Jesúsi'ccu jinchopa gi Cristove in'jan. Nane Cristove in'jamba gi tisema ñoa'me ñotsse in'jamba canse.