Filipo'su 2:13 - Cofán: Chiga Tevaen'jen

¹³ Nane Chigaja ñoa'me que'ini can'jemba fuite'je. Tise ñotsse in'jan'choi'ccu que'ima in'jaemba que'ima fuiteya tsa'caen tson'faye.

Filipo'su 2:13 Referans Kwoze

Hebreo'su 13:21

osha'cho ñotssiama que'inga afesi que'ija ño'ame dapa Tise in'janqquia'caen ñotsse canse'faye. Toya'caen gi in'jan'fa cuintsu Jesucristo poiyi'cco ingima in'jaemba fuitesi Chiga in'jan'chove tson'faye. Tsangae tsu Jesucristoja ti'tsse'tssia. Tsangaeyi.

2 Corinto'su 3:5

Tisuyi gi jongoesuve tsoñe osha'fambi. Tsa'ma Chiga ingima in'jaensi gi Tise tson'choma tson'fa.

2 Timoteoga 1:9

Chiga tsu ingima ccushaen. Ccushaemba tsu ingima ttu'se cuintsu ingija Tise'veyi in'jamba canse'faye. Nane ingija semambi ni ñotsse tsombi cuintsu Chiga ingima ttu'seye. Tsa'ma toya ande meinte Tiseja asi'ttaemba in'jamba ingima ccushaeñe ttu'se. Nane ingija Cristo Jesúsi'ccu fae'ngae jincho'faya qquen in'jamba Chigaja ingima'qque ñotsse in'jamba ccushaen.

Romanos 9:16

Tsa'caen tsonsi a'i in'jan'cho ni a'i tson'cho Chiga in'jan'choma cambiañe oshambi. Tsa'ma Chiga tsu ingima mende'yepa in'jan.

1 Corinto'su 15:10

Tsa'ma Chiga ñama mende'yepa in'jamba ttu'sesi Jesúsne afa'su gi. Tise tsa'caen ñama ñotsse tsonsi pa'cco tsu ñotsse da. Nane ñajan poiyi'cco cca'i Jesúsne afasundeccuma ti'tsse quia'me sema'jensi pa'cco ñoa'me ñotsse tsu da. Tsa'ma ñoa'me ñajan ñotsse tsombisi tsu Chiga Qquendya'pa ñani can'jemba tsa'caen ñotsse sema'jen.

Juan 3:27

Qquen susi Juanjan su: —Chiga Quitsa anttembian'da ¿ma'caen tsu a'ija osha'faya?

Efeso'su 1:11

Chigaja Tisu in'janqquia'caen in'jamba tsa'caen tsu tsoña. Tiseja in'jamba tayoe mandasi gi fae'ngae Jesucristoi'ccu ñoñamba Cristonga afe'choma fae'ngae isu'faya.

1 Corinto'su 12:6

Toya'caen ccaningae sema'jen'fa. Tsa'ma fae Chigayi tsu poiyi'ccoma tsa'caen ccaningae semañe in'jaen.

2 Tesalónica'su 1:11

Tsa'camba gi ja'ñojan anttembe'yi que'ine Chigama iñajan'jen'fa cuintsu Tsa, ingi Chiga, que'ima tayo in'jamba ttu'sepa que'ima fuitesi Tise in'janqquia'caen ño'ame da'faye. Toya'caen gi iñajan'jen'fa cuintsu Chiga Tise osha'cho'choi'ccu que'ima fuitesi que'i ñotsse in'jan'choma nani'faye; pa'cco que'i Tise've in'jamba sema'jen'choma'qque nani'faye.

Efeso'su 1:5

Nane me'ttia'ye Chigaja osha'chone ñotsse in'jamba manda. Ingi toya meinte Tiseja ingima ñoa'me ñotsse in'jamba Tise dushundeccuve da'faye ttu'se. Tsa'cansi Jesucristo ingima ccushaensi gi tsa'caen da'fa.

Efeso'su 2:8

Tisuyi qui ccushaye osha'fambi. Tsa'ma Chigave in'jansi Tiseja que'ima in'jamba ccushaen tsangae canse'faya'chove. Nane Chiga aqquia afe'cho tsu.

1 Reyes 8:58

Tsa'ma tise ingi injama'choma in'jaensi tisema pañamba tise in'jan'chove tsomba tise manda'choma'qque pañamba tsoñe gi in'jan. Nane tsa manda'choma tsu tiseja afepa manda ingi tayopi'su antiandeccunga cuintsu pañamba tson'faye.

Lucas 12:32

Que'i qui ña in'jan'cho ovejandeccu. Re'ricco'fa qui. Tsa'ma dyombe can'faja. Chiga que'i Quitsave in'jamba Tise in'jan'chove tta'ttasi tsu Tiseja que'ima na'suve tsoña.

Efeso'su 1:9

Toya'caen Tise tayoe condambi'choama ja'ño inginga conda. Nane Tise in'jamba tsoña'choma'qque tayoe condambipa ja'ño inginga conda.

Juan 6:65

Tsomba su: —Tsa'camba gi su a'ija ñanga jiye osha'faya'bi ña Yaya anttembiecan'da.

Jeremías 32:38

Nane ñajan tise'pa Chigave dasi tsendeccuja ña aindeccuve da'faya.

Romanos 9:11

Tsa'ma toya isumbi'te, nane du'shu ni ñotsse ni egave tsombi'te, Chigaja Tisu in'jan'choma canjaeñe in'jamba Rebecama su: “Coenza tsu chu'ama shondocaña.” Toya'caen cca'tti Chiga Tevaen'jengae Chigaja su: “Jacobma in'jamba gi Esaúma chi'ga.” Chigaja toyi'te tsa'caen in'jamba su'chopa tsa'caen tson. Nane a'i tson'jen'choma in'jambipa Tisu majame in'jamba tsu ttu'se.

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Esdras 1:1

Persia ande'su na'su, Ciro, mandaye ashaensi tsa canqque'fanga Na'su Chigaja tisema in'jaen cuintsu Chiga aya'fama afa'su Jeremías, Na'su tayopi mandasi suqquia'caen tsoñe. Tsa'caen in'jaensi Ciroja tsama in'jamba qquen tevaemba ma'da máñejan cuintsu poi tise manda'je'cho canqqueni japa tsama conda'faye:

Esdras 1:5

Ciro tsa'caen mandasi poiyi'cco majama Chiga in'jaensi ñoña'fa Jerusaléni japa Na'su Chiga ettive tsao'ñañe. Nane poi Judá'su toya'caen Benjamín'su antian nasundeccu, Chigama afasundeccu, toya'caen levítasundeccu tsu tsa'caen ñoña'fa.

Juan 6:45

Nane Chiga Aya'fama afasundeccu tevaen'jengata tsu qquen: “Chigaja poiyi'cco tsendeccuma atesiaña.” Tsa'cansi poiyi'cco Chiga Quitsama pañamba in'jan'chondeccuja ñanga jiya'chondeccu tsu.

Nehemías 2:4

—¿Ma'caen gi quenga tsoña? Tsa'caen susi gi injama'choi'ccu sefacconi'su Chigama iñajamba

1 Pedro 1:3

Chigaja, ingi Na'su Jesucristo Quitsa, ñoa'me'qque ti'tsse'tssia. Ingima mende'yepa ñoa'me ñotsse in'jan. Tsa'camba Jesúsma pa'cho'ye qquendyaen ingima cuname isuye. Tsa'caen tsonsi gi Tise dutssiyendeccuve dapa avujatsse ro'ndá canse'fa.

Tson'fa'cho 11:21

Na'su Chiga tisema fuitesi condasesi tsu tsain'bitssi a'i tise'pa tayopi in'jan'choma anttepa Na'su Jesúsve in'jan'fa.

Salmos 110:3

Que aindeccuja dyombe'yi tsu Zión ccotta'cconga bo'faya que patsuya'cho a'ta nepisi. Nane suruno sinte pa'ccoma piccopa chanjunqquia'caen qui queja poi a'ta cuname daya.

Lucas 2:14

Sefacconi'su Chigaja ñoa'me ñotssia tsu. Va ande'su aindeccuma ñotsse in'jamba Chigaja in'jan cuintsu poiyi'cco a'i tisupapora ñotsse in'jamba opatsse canse'faye.

Romanos 12:3

Chiga ñama in'jamba atesiañe mandasi gi que'i poiyi'cconga qquen atesian'jen: Tisupa panshaen injama'pa qquen in'jan'fajama. Tsa'ma poiyi'cco, Chiga que'ima in'jaenqquia'caen, tisupama in'jaña'cho.