Filipo'su 1:13 - Cofán: Chiga Tevaen'jen

¹³ Nane poiyi'cco vani'su governaror sundarondeccuja ja'ño paña'fa ña Cristove in'jamba piccoyepa can'jen'choma. Nane poiyi'cco vanisundeccu'qque tsa'caen paña'fa.

Filipo'su 1:13 Referans Kwoze

2 Timoteoga 2:9

Tsa'caen candusiamba gi vana'jen. Ñoa'me egae tsinconsundeccuma indipa candenai'ccu tandanqquia'caen ñama indipa picco'fa. Tsa'ma Chiga Aya'fama tsa'caen candenai'ccu se'piye osha'fambi.

Efeso'su 3:1

Ña Pablo gi que'i israembindeqquiama in'jamba Jesucristone que'inga candusian cuintsu que'i Chiga aindeccuve da'faye. Tsa'caen candusiamba gi piccoyepa can'jen.

Filipo'su 1:7

Ña tsa'caen que'ine asi'ttaemba in'jansi ñotssi tsu. Ñoa'me ña injama'choi'ccu gi que'ima ñotsse in'jan. Nane Chiga ñama ñotsse tsonsi que'ija ñama fuitepa qui ñai'ccu fae'ngae ñotssiama isu'fa. Ña picco'je'ttinga piccoye'ninda, tsambi'ta, ña sombopa Chiga ñotsse condase'choma candusiamba ccaningae atesiansundeccui'ccu afacco'ninda qui ñama fuite'fa.

Efeso'su 6:20

Ñoa'me tsama condaseye gi Jesúsma shondo'su. Tisene condasepa gi yoshavai'ccu tandañemba can'jen. Chiga mandaqquia'caen tsu dyombi'tsse condaseya'cho. Tsa'cansi ñane Chigama iñajan'faja cuintsu Tise fuitesi ñajan Cristone tsa'caen dyombi'tsse condaseye.

Tson'fa'cho 26:29

Tsonsi Pabloja su: —Jm jḿ, junde, tsambi'ta jai'ngae que tsa'caen da'ninda ñotssi tsu. Tsane gi Chigama iñajan'jen quene, toya'caen poiyi'cco ñama ja'ño pañasundeccune'qque cuintsu ña'caeñi da'faye –tsa'ma candename mechoyi.

Filipo'su 4:22

Poiyi'cco vani'su Chigave in'jan'chondeccu tsu que'ima chigambiañe in'jan'fa. Toya'caen poi ande Na'su César tsaonisundeccu, majan Cristove in'jamba, ti'tsse tsu chigambiañe in'jan'fa.

Tson'fa'cho 28:30

Pabloja dos canqque'fa pa'cco tseni can'jen. Tise afepoen'cho tsaoni tsu can'jen. Majan tise tsaoni ji'fa'nijan Pabloja ñotsse in'jamba avusepa poiyi'cconga condase.

Tson'fa'cho 28:20

Tsa'camba gi que'ima ttu'se attepa condaye. Nane israendeccu Cristo jiya'chone in'jan'chove in'jamba gi va candenai'ccu tandañe.

Tson'fa'cho 28:17

Tres a'ta can'jemba Pabloja tseni'su israe'su nasundeccuma ttu'se. Ttu'sesi bo'fasi Pabloja tise'panga su: —Tsandiendeccu, ñajan a'ima egae tsincombi gi, ni ingi coenzandeccu nafattian'choma egae tsincombi gi. Tsa'ma ña egae tsincombi'ni'qque israe'su nasundeccuja Jerusaléni ñama indipa afe'fa tseni'su Romano na'sunga.

Tson'fa'cho 26:31

cca'ttinga condaseccoye jaja'fa. Japa qquen condasecco'fa: —Va a'ija ma'caen paya'chove ni ma'caen piccoyeya'chove jinchoyembi.

Efeso'su 4:1

Tsa'caen gi ña'qque Jesucristone candusiamba piccoyepa can'jemba que'ima iñajan: Chiga que'ima tsa'caen in'jamba ttu'sesi Tise in'janqquia'caen canse'faja.

Filipo'su 1:30

Que'ija ña vana'jen'choma tayoe atte'fa. Ña toya vana'jensi qui ja'ño paña'jen'fa. Tsa'ma ja'ño qui ñai'ccu fae'ngae Cristone vana'jen'fa.