Éxodo 9:34 - Cofán: Chiga Tevaen'jen

³⁴ Tsa'ma faraónjan tsa'caen unjin, tsandapandaqui toya'caen tsanda'qque pasasi attepa ccase egae tsincoñe ashaen. Nane jo'su tise'yi se'pipa iyicca'yembi tsa'ma tisema shondosundeccu'qque tsa'caen iyicca'ye'fa.

Éxodo 9:34 Referans Kwoze

Éxodo 7:14

Omboe Na'su Chigaja Moisésnga su: —Faraónda tsu ñoa'me iyicca'yepa se'pi cuintsu israendeccu sombombe'yi can'faye.

Éxodo 8:15

Tsa'ma tsa'caen tise vana'jen'choma vuiquiansi faraónjan ccase iyicca'yepa se'pipa Moisés toya'caen Aarón su'choma pañañe in'jambi ma'caen Na'su Chiga suqquia'caen.

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 9:33

Faraóin'ccu afa nanimba Moisésja tsa canqque'ye sombopa tise tivema Na'su Chiganga yasapa iñajan. Tse'faei'ccuyi tsandapandaqui, unjin toya'caen tsanda'qque ziya.

Éxodo 9:35

Faraónjan tsa'caen se'pipa iyicca'yepa israendeccu jaye anttembi ma'caen Na'su Chiga tayoe Moisésnga suqquia'caen.