Éxodo 8:22 - Cofán: Chiga Tevaen'jen

²² Tsa'ma tsa'caen da'je'ni'qque ña aindeccu can'jen'cho Gosén andenijan ni fae tenqquen'choyi'qque jaya'bi. Tsa'caen tsonsi qui in'jaña ñajan Na'su Chiga va andeni can'jen'chove.

Éxodo 8:22 Referans Kwoze

Éxodo 9:4

Tsa'ma israendeccuja egiptosundeqquiacan'fambisi tsu Na'su Chigaja israe'su aiña'chondeccuma antte cuintsu fae'ccoyi'qque pambe can'faye.’

Éxodo 10:23

Nane tsa'caen dasi tres a'ta pa'cco majañi'qque tisupapora atteye osha'fambi ni ccani jacañe'qque osha'fambi. Mapán tsa'caen da'je'ni'qque poiyi'cco israendeccumbe tsaonijan a'tatsse jincho.

Éxodo 9:6

Ccaqui a'ta Na'su Chiga tise suqquia'caen tsonsi pa'cco egipto'su aiña'cho pa'fa. Tsa'ma israendeccumbeja ni fae'ccoyi'qque pambitssi.

Salmos 110:2

Na'su Chiga quema ti'tsse quiñaesi qui Zión'ñe bianima mandaya cuintsu quema iyiccayesundeccu quema paña'faye.

Éxodo 12:13

“ ‘Tsa anjampata tsu canjaeña que'i ma'tti can'jen'chove ña atesuye. Tsa'caen tson'fasi gi egiptondeccuma fittitti'jepa tsa anjampama atte'ta tse'ttima panshaña. Tsa'cansi qui fae'ccoyi'qque que'i'suja pa'faya'bi.

Éxodo 9:29

Tsonsi Moisésja su: —Pan va canqque'ye sombopa japa gi ña tivema sefaningae yasapa Na'su Chigama iñajaña. Tsonsi tsu tsandapandaquima pasaemba tsandama'qque pasaeña cuintsu que'i pa'cco va andeja Na'su Chigambe qquen in'jan'faye.

Éxodo 9:26

Mapán tsa'caen da'je'ni'qque israendeccu can'jen'cho Gosén andenijan ni fae tsandapandaquiyi'qque amppimbi.

Éxodo 8:10

Tsonsi faraónjan su: —Tu'iyi iñajaña'chove gi in'jan. Tsonsi Moisésja su: —Tsa'caen tsu tsoña faesu ingi Na'su Chiga'can'me me'i'on qquen que in'jañe.

Éxodo 7:17

qquen tsu Na'su Chigaja su: ¡Ja'ño qui ñama atteya ñajan ñoa'me Na'suve! Na'su tsa'caen susi ña tiveni isu'cho accuicco'choi'ccu na'en'su tsa'ccunga ochhaisi tsu pa'cco tsa'ccu anjampaveyi daya.

Éxodo 7:5

Tsa'caen ña oshacho'choma Egiptoni canjaemba, israendeccuma somboensi tsu ñama Ñoa'me Na'su qquen egiptondeccuja in'jan'faya.

Éxodo 8:21

Nane tise'pa jaye que anttembiya'da gi quenga, quema shondosundeccunga, que aindeccunga toya'caen pa'cco tise'pa tsa'onga'qque tenqquen'choveyi moeña. Poi egiptondeccumbe tsa'onga tsu tenqquen'choyi on'baya. Pa'cco ande'qque tsu tenqquen'choveyi daya.

Éxodo 8:23

Nane ña aindeccuja que aindeqquia'cambi qquen canjeñe gi tsa'caen tsoña. Tu'i gi tsa'caen tsoña.’

Éxodo 19:5

Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Génesis 46:34

que'ija su'faja: ‘Ingija ovejama atapoeñe gi atesu'fa ingi tayopi'su coenzandeqquia'caeñi.’ Tsa'caen su'yita qui Gosén andene can'jeñe osha'faya. Nane Egiptondeccuja se'pi'fa tsu oveja coirasundeccu fae'ngae tise'pai'ccu can'jeñe.