Éxodo 8:17 - Cofán: Chiga Tevaen'jen

¹⁷ Tsa'caen tsu tson'fa. Aarón tise accuicco'choi'ccu ande'su sisipama ochhaisi pa'cco egipto'su sisipaja ocuve dapa poiyi'cco aindeccu toya'caen tise'pa aiña'chondeccuma'qque sutsa'je'fa.

Éxodo 8:17 Referans Kwoze

Salmos 105:31

Chiga afasi unjimba'ccoa'caen ocu, toya'caen tenqquen'cho jipa Egipto andema picco.

Tson'fa'cho 12:23

Qquen fundo'je'fasi Herodesja “Ñajan chigambi” qquen condambisi Chigama sefacconi'su shondo'suja tse'faei'ccuyi tisema pporaen. Tsa'caen pporaensi pave dapa misiangepa pa.

Éxodo 8:16

Na'su Chigaja ccase Moisésnga su: —Aarónma mandaja tise accuicco'choma isupa tsai'ccu ande'su sisipama ochhaiye cuintsu tsa'ye pa'cco Egipto andenga ocuveyi daye.

Éxodo 4:23

Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Salmos 78:45

Tenqquen'cho, sapoma'qque moesi osha'choma an sefaen'fa.