Éxodo 5:7 - Cofán: Chiga Tevaen'jen

⁷ —Ja'ñojan shoshovima israendeccunga afe'fájama apichanga echho'chhoemba tise'pa ladriyove ñoñañe que'i tayoe afe'jeqquia'caen. Antte'faja cuintsu tise'payi shoshovive tta'ttapa ñoña'faye.

Éxodo 5:7 Referans Kwoze

Génesis 24:25

Toya'caen ingi tsaoni tsu cuarto jin cuintsu que'i ana'faye. Cameyo ccuipa anaña'chove shoshovi samba, cameyo anqque'su'qque tsu jin.

Génesis 11:3

Fae a'ta fae'ngae condaseccopa su'fa: “Jinge apichama ladriyove ñoñamba si'ngei'ccu ta'etssia've oque'faya.” Patu me'i'onsi tsesui'ccu tsao'ña'fa. Toya'caen tsu breave an'bian'fa ladriyoma setsaeñe.

Éxodo 5:6

Tsequi a'tayi tsu faraónjan semoeñe mandasundeccu toya'caen semoen'su israendeccuma'qque qquen manda antte:

Éxodo 5:8

Tsa'ma tayoe mañi'cco ladriyove nani'jenqquia'caen cuintsu ja'ño'qque nani'jen'faye manda'faja; ni fae'ccoyi'qque shacambitsse nani'jeña'chove. Nane ñoa'me noe'supa tsu qquen fundo'je'fa: ‘¡Ingi Chiganga oque oraemba afeye gi jayi'fa!’