Éxodo 40:24 - Cofán: Chiga Tevaen'jen

²⁴ Toya'caen tsu cori tuñoma ccutsian'jen'cho mesama isevetsse ccutsian. Tsama'qque picco'je'cho sarupambe pporotsse tsotefa'su pavefanga.

Éxodo 40:24 Referans Kwoze

Canjaen'cho 2:5

Ñotsse in'janjan que tayoe ñama in'jamba can'jen'choma. Tse'ttie biani amppiqquia'caen qui ja'ño ñama aqquia re'riccoe in'jan. Tsa'camba tisu egae tsincon'choma catipa tayo'su tson'choma ccase tsonjan. Que egae tsincon'choma catimbian'da gi queni jipa que tuñoma ccutsian'choma joqquitssiaña.

Canjaen'cho 1:20

Nane ña tansinfa'su tivema qui siete o'fema atte. Siete cori tuñoma ccutsian'choma'qque qui atte. Qquen tsu canjaen'fa: Siete tuñoma ccutsian'choja tsa siete Jesúsve in'jamba bo'fa'cho tsu. Siete o'feja siete bo'fa'choma coirasundeccu tsu.

Juan 8:12

Ccase afapa Jesús aindeccunga su: —Ña gi va ande'su aindeccuma chanjien'su. Majan ñai'ccu fae'ngae jacan'da sinttia'ye jacambe'yi a'tatssia'ye tsu jacan. Ña tisema chanjiensi tsu ñoa'metsse canse.

Juan 1:9

Ñoa'me chanjien'su tsu va andeni jiña poi a'i injama'choma attiañe.

Juan 1:5

Sinttia'ye chanjienqquia'caen va ande'su egae jinchoma attiansi egae sinttiaja tise in'jaen'choma patsuye oshambi.

Juan 1:1

Me'ttia'ye Chiga Aya'faja jin. Chiga Aya'faja Chigai'ccu can'jemba Chiga tsu.

Éxodo 40:23

Tsa mesa ombanga tsu panma tansintsse fae'ngatsse ccuiña Na'su can'jen'ttinga Na'su Chiga mandaqquia'caen.

Éxodo 40:25

Ccutsiamba tsu tuñoma setsaen Na'su can'jen'ttinga Na'su Chiga mandaqquia'caen.