Éxodo 4:23 - Cofán: Chiga Tevaen'jen

²³ Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’

Éxodo 4:23 Referans Kwoze

Éxodo 12:29

Tsomba tse'i enttinge cose Na'su Chigaja egiptosundeccu aisheve isu'chondeccuma fitti'tti. Nane faraón, na'su dyaipa'chonga dyai'sumbe dutssi'ye coenza toya'caen indiyepa can'jen'chombe dutssi'ye coenza tsu fae'ngae pa'fa. Toya'caen tsu tise'pa aiña'cho aisheve isu'chondeccu'qque pa'cco pa'fa.

Éxodo 11:5

Tsonsi tsu poiyi'cco egiptondeccu aisheve isu'chondeccu pa'faya. Nane faraón na'su dyaipa'chonga dyai'sumbe dutssi'ye coenza toya'caen sunda'choma shoquendian'su sema'su pushesumbe du'shu coenza'qque fae'ngae pa'faya. Toya'caen tsu tise'pa aiña'cho aisheve isu'cho'qque pa'cco pa'faya.

Salmos 105:36

Tsomba teta'choma sefaenqquia'caen a'i aisheve isu'chondeccuma'qque pporaemba poiyi'cco Egipto'su dutssi'ye coenzama fitti'tti.

Salmos 78:51

Tsa paqque'sui'ccu poiyi'cco Egipto'su aisheve isuye'chondeccuma fi'tti. Nane Egipto aindeccu'su in'jan'cho dusungandeccuma sefaen.

Éxodo 7:16

Cachuipa qui qquen suya: ‘Tsa Na'su Chiga, hebreondeccumbe Chiga tsu ñama moe quenga qquen suye: Antteja cuintsu ña aindeccu japa a'i menia ñama iñajan'faye. Tsa'ma vama'qque que pañambian'da

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Éxodo 8:1

tsu Na'suja Moisésnga qquen su: —Ccase faraónga japa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 8:20

Na'su Chiga ccase Moisésnga su: —Tu'ita tsu faraónjan sinte'yi naeni andeya. Tsa'cansi toya cose'yi jangipa japa ronda'jepa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 9:1

Tsa'caen tsonsi Na'su Chigaja ccase Moisésnga su: —Faraónga japa qquen suja: ‘Qquen tsu Na'su, hebreondeccumbe Chigaja, quema su: Antteja ña aindeccuma cuintsu japa ñama iñajan'faye.

Éxodo 9:13

Tsonsi Na'su Chigaja Moisésnga su: —Tu'ija sinte'yi jangipa japa faraónga suja: ‘Qquen tsu Na'su Chiga tsa hebreondeccumbe Chigaja quema su: Antteja ña aindeccuma cuintsu japa ñama iñajan'faye.

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Oseas 11:1

“Israelja ñoa'me du'shua'can tsu. Nane tise chuite gi tisema ñotsse in'jamba Egipto andene tisema ttu'se.

Éxodo 3:18

Tsa'caen susi tsu coenzandeccu quema pañamba quei'ccu fae'ngae egipto'su na'sunga ja'faya. Tsa'caen japa qui na'sunga qquen suya: ‘Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi in'jan'fa ingima antteja tres a'ta pa'cco a'i menia japa oque oraemba ingi Na'su Chiga Quitsanga afeye.’

Éxodo 8:16

Na'su Chigaja ccase Moisésnga su: —Aarónma mandaja tise accuicco'choma isupa tsai'ccu ande'su sisipama ochhaiye cuintsu tsa'ye pa'cco Egipto andenga ocuveyi daye.

Éxodo 8:17

Tsa'caen tsu tson'fa. Aarón tise accuicco'choi'ccu ande'su sisipama ochhaisi pa'cco egipto'su sisipaja ocuve dapa poiyi'cco aindeccu toya'caen tise'pa aiña'chondeccuma'qque sutsa'je'fa.

Éxodo 9:2

Tise'pa jaye anttembipa toyayi que sepi'je'ninda

Éxodo 10:4

Nane que tise'pama moeñe ti'tsse sepi'je'ninda gi tu'ija pa'cco que andenga ttombuma moeña.