Éxodo 4:21 - Cofán: Chiga Tevaen'jen

²¹ Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 4:21 Referans Kwoze

Romanos 9:18

Chigaja tsa'caen majama mende'yeye in'jan'da mende'ye. Tsa'ma majama se'pi'suve tsoñe in'jan'da tsa'caen tsu Tiseja tsa a'ima manda antte.

Juan 12:40

Chigaja tise'pa tso'fema picco ñotsse atte'fasa'ne. Tise'pa injama'choma'qque ta'etsse piccoqquia'caen se'pi ñotsse in'jan'fasa'ne. Tsa'cansi ñanga ji'faya'bi ccushaye.

Éxodo 14:8

Tsa'caen Na'su Chiga in'jaensi tsu faraónjan iyicca'yepa israendeccuma mandian. Mapán Na'su Chiga tisu oshacho'choi'ccu israendeccuma somboe'ni'qque tsu faraónjan toya iyicca'yepa mandian.

Éxodo 9:35

Faraónjan tsa'caen se'pipa iyicca'yepa israendeccu jaye anttembi ma'caen Na'su Chiga tayoe Moisésnga suqquia'caen.

Éxodo 9:12

Tsa'ma Na'su Chiga faraónma in'jaensi iyicca'yepa se'pipa Moisés toya'caen Aarón su'choma pañambi ma'caen Moisésnga Na'su Chiga suqquia'caen.

Éxodo 7:13

Tsa'caen tsonsi attepa faraónjan iyicca'yepa ñoa'me se'pipa tise'pa su'choma pañañe in'jambi, Na'su Chiga ma'caen suqquia'caen.

Éxodo 3:20

Tsane'da gi ña oshacho'choma canjaemba egiptosundeccuma dyoñaña osha'cho egave daqque'sui'ccu tise'pama iña'ccaemba. Tsa'caen tsonsi tsu faraónjan que'ima somboeña.

Éxodo 10:20

Tsa'ma Na'su Chiga faraónma in'jaensi iyicca'yepa se'pipa israendeccu jaya'chove anttembi.

Isaías 6:10

Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”

Éxodo 14:4

Tsa'ma ña gi faraónma in'jaeña cuintsu iyicca'yepa que'ima mandiañe. Tsonsi gi ña oshacho'choma tisei'ccu toya'caen tise sundarondeccui'ccu canjaeña. Tse'i tsu egiptondeccuja ñamajan Na'su Chiga qquen in'jan'faya.” Tsama pañamba israendeccuja tsa'caen tson'fa.

1 Pedro 2:8

Toya'caen cca'ttinga Chiga Tevaen'jenjan su: Tiseja zuccopanshan amppianqque'su patiaca'on tsu. A'ija patu'ye amppiqquia'caen tsu tise'ye qque'faya. Nane tsendeccuja Chiga Aya'fama paña'ma in'jambipa tsu tsa'caen qque'fa. Tsa'caen tsu Chigaja toyi'te tise'pane in'jan.

2 Corinto'su 2:16

Pañambipa qqueya'chondeccunga gi tssu'jutssi'fa tise'pa tsangae paya'chone canjaemba. Tsa'ma pañamba ccushaya'chondeccunga gi ño'metssi'fa tise'pa tsangae canseya'chone canjaemba. ¿Osha'fa ti gi tsa'caen Cristone canjaeñe? Ju, osha'fa gi.

Romanos 1:28

Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.

Salmos 105:25

Tsa'ma Egiptondeccu injama'choma'qque in'jaensi tsendeccuja tise aindeccuma chi'ga'fa. Nane tisema shondosundeccuma afopoemba noñangian'fa.

Deuteronomio 2:36

Arnón Na'en jin'tti'su Aroer canqquene toya'caen fattocco enttinge'su canqquene ashaemba gi poi canqquema patsu'fa Galaad canqquepi. Nane Na'su ingi Chiga anttesi tsu poiyi'cco oshambi'tsse dapa patsuye'fa.

Génesis 6:3

Tsa'caen tson'fasi Na'su Chigaja su: “In'jambi gi aindeccu egae tsincomba tsangae canse'faye. Nane ciento veinte canqque'fave can'jemba tsu pa'je'faya'cho.”

Éxodo 8:32

Tsa'ma tsa'caen joqquitssiansi faraónjan ccase iyicca'yepa se'pipa israendeccu jaya'chove anttembi.

Éxodo 10:1

Tsa'caen tson pasapa Na'su Chigaja Moisésnga su: —Japa faraónma can'gaja. Nane ña gi tson cuintsu tise toya'caen tisema shondosundeccu'qque iyicca'yepa se'pisi tise'panga osha'cho ña oshacho'choma canjaeñe.

Éxodo 10:27

Tsa'ma Na'su Chiga faraónma in'jaensi iyicca'yepa se'pipa israendeccu jaya'chove anttembi.

Éxodo 11:9

Tsonsi Na'su Chigaja Moisésnga su: —Faraónjan que'i su'choma in'jaña'bi tsu. Tsa'caen tson'chone tsu ña canjaen'choja ti'tsse atapaya pa'cco Egipto andenga.

Éxodo 11:10

Moisés toya'caen Aarón osha'cho canjaen'choma faraónga tsa'caen canjaen'fa'ni'qque Na'su Chiga tisema in'jaensi iyicca'yepa se'pipa israendeccu Egipto ande'ye somboya'chove anttembi.

Salmos 78:43

Nane Egipto'su Zoán andeni osha'cho canjaen'choi'ccu tise'pai'ccu iyiccosundeccuma patsu'choma'qque aqque'pa'fa.

Éxodo 3:19

Tsa'ma tsa'caen su'ni'qque egipto'su na'suja tisema mingae dyoñambi'ninda que'i somboye antteya'bi'choa've qquen gi in'jan.

Éxodo 8:11

Pa'cco sapo tsu que tsa'o'ye jasi jo'su na'emeñi can'jeña. Ti'tsseja quema, ni quema shondosundeccuma, ni que aindeccuma noñangian'jeña'bi tsu.

Éxodo 8:15

Tsa'ma tsa'caen tise vana'jen'choma vuiquiansi faraónjan ccase iyicca'yepa se'pipa Moisés toya'caen Aarón su'choma pañañe in'jambi ma'caen Na'su Chiga suqquia'caen.

Éxodo 14:17

Nane ña gi in'jaeña cuintsu egiptondeccu ñoa'me iyicca'yepa que'ima marnga'qque mandian'faye. Tsonsi gi ña oshacho'choma faraón, pa'cco tise sundarondeccu toya'caen tise'pa caro, cavayoma'qque sefaemba canjaeña.