Éxodo 4:20 - Cofán: Chiga Tevaen'jen

²⁰ Tsa'caen susi paña'chopa Moisésja tise pushe, toya'caen tise dushundeccuma boronga dyaiñamba toequi Egiptoni ja. Toya'caen Chiga accuicco'choma'qque isupa anga.

Éxodo 4:20 Referans Kwoze

Éxodo 17:9

Tsonsi Moisésja Josuéma su: —Majan tsandiendeccuma avusepa amalecitandeccui'ccu iyicco'faja. Ñanda gi tu'i Chiga quini'ccoma indipa ccotta'cco'cho ombani ccutsuya.

Números 20:11

Tsa'caen supa Moisésja dos se tsa patuvo'choma tise isu'cho accuicco'choi'ccu ochhai. Tsa'caen ochhaisi tsain'bitssi tsa'ccu tsa'ye sombo. Sombosi aindeccu toya'caen vaurandeccu'qque cu'iye ashaen'fa.

Éxodo 4:2

Tsonsi Chigaja iñajampaña: —¿Jongoesuma qui que tiveni an'bian? Moisésja su: —Accuicco'choma.

Éxodo 4:17

Va accuicco'choma angaja. Tsai'ccu qui osha'cho egave daqque'suve canjaen'faya.

Tson'fa'cho 7:29

Qquen susi pañamba Moisésja dyopa ccuyapa ja Madián andeni. Tseni japa tseni'su a'ia'caen can'jen. Can'jemba pushepa dos tsandie du'shuve an'bian.

Éxodo 2:22

Pushesi can'jemba tsandie du'shuve isusi Moisésja tisema inisian Gersón, “Ñanda gi faesu andene jipa faesu andeni can'jen'cho” qquen suye.

Éxodo 14:16

Tsonsi que'ja que accuicco'choma isupa va marnga yasaja cuintsu enttinge'ye dosi israendeccu santsse ise'faye.