Éxodo 4:13 - Cofán: Chiga Tevaen'jen

¹³ Moisésja ccase afapa su: —Chigáne Na'su, faesu a'ima moejan.

Éxodo 4:13 Referans Kwoze

Jonás 1:3

Tsa'caen susi Jonásja Na'suma pañañe in'jambipa Jopeni ja tsene Na'suma ccuyacañe. Tseni japa atte tayo barco Tarsisni jaye tson'jen'choma. Attepa pasajema afepoemba barconga otse Tarsisni jaye.

Éxodo 4:1

Na'su Chiga tsa'caen susi Moisésja su: —Aindeccuja ñama paña'faya'bi ni ña su'choma in'jan'faya'bi. Tsa'camba tsu ñama su'faya ‘Na'su Chigaja quenga attiambi.’

Juan 6:29

Tsonsi Jesúsja su: —Chigaja in'jan cuintsu que'i Tise moen'cho a'ive in'jan'faye.

Mateo 13:41

Sefaccone Ji'cho A'i mandasi tise'be sefacconi'su shondosundeccu japa Chigama na'sian'cho aindeccuma boñamba poiyi'cco cca'indeccuma egae tsincoensundeccuma, poiyi'cco egae tsinconsundeccuma'qque attufaen'faya.

Jonás 1:6

Tsonsi na'su capitánjan Jonás ana'jen'choma in'jamba japa qquen su: —¿Mi'nge'e qui ana'jen anafasi? ¡Jangipa que Chigama iñajanjan cuintsu ingima in'janda ccushaeñe!

Jeremías 1:6

Pañamba ñajan su: “¡Ai, Na'su! ¡Ñajan toya chu'a! ¡Afaye atesumbi gi!”

Éxodo 23:20

“Que canjan, ña gi que'ima o'tie moeña ñama sefacconi'su shondo'suma cuintsu que'ima coirapa angaye que'imbe ñoña'cho andeni.

Génesis 48:16

Toya'caen quema sefacconi'su shondo'suja osha'cho ega'ye ñama ccushaen. Chigáne va ña dushundeccuma ñotsse tsonjan cuintsu tsendeccu'ye ña inisema aqque'pambitsse canse'faye; toya'caen ña yayandeccu, Abraham'ye toya'caen Isaac'ye inisema'qque injan'jen'faye. Va dushundeccuma ñotsse tsonjan cuintsu tsain'bie atapapa poi ande on'batsse canse'faye.”

1 Reyes 19:4

Tsama catipa ti'tsse joccani a'i menia ja. Fae a'ta pa'cco japa quimbipa dyai fundui'si quini'jin tsosiccuni. Ñombi'yepa paye in'jamba Na'sunga su: “Nanitssi tsu, Na'su. ¡Antteja cuintsu ña paye! Nane ñanda gi ña tayopisundeccuma ti'tsse ñotssimbi.”

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Éxodo 4:12

Tsa'cansi junde jaja. Ña gi quei'ccu can'jemba quema afaen'jeña que ma'caen suya'chove.

Éxodo 4:14

Tsa'caen susi Na'su Chigaja Moisésma iyicca'yepa su: —¿An'biambi'a ti qui que quindya Aarón tsa levíta'suma? In'jan gi tise tsu ñotsse afaye atesu. Toya'caen tsu tiseja jiña quema cachuiye. Cachuipa tsu ñoa'me avujaya.

Génesis 41:35

Isupa tsu pa'cco ñotssia canqque'fa jincho'su trigoma boñaña'cho majan canqqueni an'biaña'chove na'su faraón su'nijan. Tseni an'biaña'cho cuintsu aindeccu an'jeña'chove.