Éxodo 34:9 - Cofán: Chiga Tevaen'jen

⁹ qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.

Éxodo 34:9 Referans Kwoze

Éxodo 32:9

Toya'caen tsu Na'su Chigaja Moisésma su: —Tsendeccuma attepa gi in'jan tise'pa pañambiqquia'caen tsincon'fa'choma.

Salmos 78:62

Nane tise aindeccuma ñoa'me iyicca'yepa antte cuintsu tise'pama iyiccayesundeccu sundaro matichi'ccu tise'pama fitti'tti'faye.

Éxodo 19:5

Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Números 14:19

Chigáne que ñoa'me injancho'choma canjaemba va aindeccu egae tsincon'choma aqque'papa ñoquija. Nane ñoa'me tise'pa Egiptoni can'jeinte ashaemba vani nepiya'ngae tise'pama mende'yepa ñoquiqquia'caen ccase mendeyepa ñoquija.

Éxodo 34:7

Nane mil omba'su dutssiyendeccunga gi antte'beyi tsangae ñotsse in'jamba tise'pa egae tsincon'choma joqquitssiamba shacama'qque ccuchaya. Tsa'ma ñama chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma gi somboeña.

Éxodo 33:12

Moisésja Na'su Chiganga su: —Que canjan, que qui manda ña va aindeccuma angacañe. Tsa'ma condambi qui majama ñai'ccu moeña'chove. Toya'caen qui su ñama ñotsse in'jamba atesu ñajan que in'janqquia'caen tsoña'chove.