Biblia Todo Logo
Bib sou entènèt

- Piblisite -




Éxodo 34:15 - Cofán: Chiga Tevaen'jen

15 “Tsa andeni cansesundeccui'ccu fae'ngae injancco'fajama, in'jamba'qque tise'pa chiganga afeye iñajan'jemba que'ima'qque ttu'sesi fae'ngae japa tise'pai'ccu tsa afe'cho aña'choma ansa'ne.

Gade chapit la Kopi




Éxodo 34:15
36 Referans Kwoze  

Tsa'ma israendeccuja ñoquiansundeccuma ñotsse paña'fambi. Pañambipa Na'suma catipa faesu chigandeccuma iñajan'jen'fa. Nane tise'pa tayopisundeccu Na'su manda'choma pañamba canseqquia'caen canse'fambi.


Tsa'caen tsonsi ¿aña ti gi chiga'ca'me ñoña'chonga afe'cho aña'choma? Atesu'fa gi tsa ñoña'cho chigaja ñoa'me chigambi tsu. Qquendya'pa mechopa ñoa'me jimbi'tssi tsu va andeni. Toya'caen gi in'jan “Fae Chigayi tsu jin. Faesuja jimbi.”


Cansembi'choa chigandeccunga afe'cho aña'choma amba Baal-peorve in'jamba tsambe aindeccuve da'fa.


Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.


Nane Cristove in'jambi'chondeqquia que'ima ttu'sesi tise tsaoni añe jaye in'jamba ja'ta, jongoesuma afesi dyombi'tsse an'faja. Tsa'ma manima chava'cho aña'chove iñajampañambe'yi anjan, conda'fasi pañamba qquesa'ne.


Ñotsse in'jan'faja qquen aqquia su'choma: Queja ñoña'cho chiga tsaoni japa dyaipa an'jensi faesu quema atte'ta “tsaja ñoa'me in'jan'cho” qquen tsu in'jaña. Tsa'caen in'jamba tise'qque ashaeña ñoña'cho chiganga afe'cho aña'choma añe. Tsa'ma tsa'caen an'jemba injama'choni toya egae tsincon'cho tsu qquen in'jamba tisuyi tsu qque.


Tsa'ma poiyi'cco Cristove in'jan'chondeccu vama atesu'fambi. Majan a'i tayoe ñoña'cho chiga'ca'me in'jamba ja'ño ñoña'cho chiganga afe'cho aña'choma an'jemba tisupa injama'cho tsu qque'fa. Toya tsa ñoña'cho chiga ñoa'me canse qquen in'jamba tsu amba qque'fa. Tsa'caen tise'pa injama'cho toya shacasi amba egae tsincon qquen tsu in'jan'fa.


“Toya'caen tseni ca'nimba tsendeccui'ccu fae'ngae injancco'fajama, in'jamba'qque vacho'va'caen zuccosa'ne.


Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.


Na'su que'i Chiga anttesi que'ija tsendeccuma patsupa tise'pama metsse nepiaña'cho. Nane tise'pama mendeye'fajama ni injancco'fa'chove tise'pai'ccu afa'fajama.


Na'su Chigaja su: “Ñotsse paña'faja. Ja'ño gi poiyi'cco a'i fae'ngae injancco'faya'chove tson. Toya'caen osha'cho camboenitssia'ma gi que'inga canjaeña. Nane ni mani'su ande'suyi'qque tsu tsa'cantssia've tson'fambi. Tsa'caen tsonsi tsu poiyi'cco cca'isundeccu mani que'i tise'pama cachui'ninda atte'faya Na'su ma'caen oshapa tson'choma. Nane ña que'i'ccu tson'choja camboenitssia tsu.


“Tise'pai'ccu injancco'fajama ni tise'pa chigandeccuma in'jan'fajama;


Tsa'ma tise'panga qquen tevaeñe tsu ñotssi: Osha'cho jongoesuma a'i ñoña'cho chiganga afe'cho tsu an'masia. Tsandienga pushesuma anttembi'choai'ccu can'jen'masia. Anjampama catimbe'yi fi'tti'cho aña'choja an'masia. Anjampa'qque an'masia.


Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’


Israendeccuja Sitimni can'jemba majan tsandiendeccuja Moab'su pushesundeccui'ccu egae tsincoñe ashaen'fa.


Toya'caen tise'pa'suma casara'fajama. Que'i dutssiyendeccuma tise'pa onquengendeccunga antte'fajama ni que'i onquengendeccuma tise'pa dutssiyendeccunga antte'fajama.


Nane in'jan gi que'i va su'choma in'jan'faye: Chigama catipa va quei'ccu toya can'jen'cho aindeccui'ccu fae'ngae tsomba, tise'pa'su pushesundeccuma pushe'fa'ninda tsu Na'su, que'i Chigaja, tsendeccuma manda mañaña'bi. Tsa'ma tsendeccui'ccu tsu que'ima vanae'jeña. Nane va'cho'vai'ccu avuma indiqquia'caen, quendecco'choi'ccu aña'choma indiqquia'caen, tsu tsendeqqui'ccu que'ima qqueñaña. Mappi'je'choi'ccu ma'ppiqquia'caen que'ima noñangiamba toya'caen nojan tso'fema iñaccaenqquia'caen que'ima dañoña cuintsu tsequi a'ta ni fae a'i que'i'suja va Na'su que'i Chiga que'inga afe'cho ñotssia andeni can'jembe cañe.


Swiv nou:

Piblisite


Piblisite