Éxodo 34:13 - Cofán: Chiga Tevaen'jen

¹³ Tsa'cansi tise'pa chigandeccunga oque oraen'jen'ttima osuiamba pa'cco tseni ccutsu'cho tise'pa iñajan'jen'cho patu, toya'caen Asera chiga quini'ccoma'qque metsse cati'faja.

Éxodo 34:13 Referans Kwoze

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Deuteronomio 7:5

Qquen tsu que'i tsoña'cho: tise'pa chiganga afe'je'cho oque oraen'jen'choma tsu osuiaña'cho. Toya'caen tsu tise'pa iñajan'jen'cho patu, quini'ccoma'qque ucca'sho catiya'cho. Toya'caen tise'pa ñoña'cho chigandeccuma'qque oqueya'cho.

Jueces 6:25

Tsequi cose'yi tsu Na'suja Gedeónma su: —Que yaya segundo vaura quitsa'ye coenzama, tsa siete canqque'fave an'bian'choma, angaja. Toya'caen que yayambe chiga Baalnga afeye oque'je'choma asi'ttapa tse'tti ccutsu'cho chiga Asera quini'ccoma'qque ttuttuja.

Jueces 6:26

Tsomba Na'su Chiga in'janqquia'caen ño'an oque'je'chove ñoñajan va ccotta'cco ombanga Na'su que Chiganga afeye. Tsomba tsa chiga Asera quini'ccoma si'tsive accoshapa tsa segundo vaura quitsa'yema oque oraemba Ñanga afeja.