Éxodo 33:9 - Cofán: Chiga Tevaen'jen

⁹ Tsa'caen Moisés tse'ttinga japa ca'ni'ninda tsu Chiga unjimba'cco andepa tse'ttinga duse tsa carpanga cani'jen'ttini. Tsa'caen duse'ni tsu Na'su Chigaja Moisésnga afa'je.

Éxodo 33:9 Referans Kwoze

Éxodo 31:18

Na'su Chigaja Sinaí ccotta'cco'ye Moisésnga afa nanimba dos patufin'dima afe tise manda'chove tise tsimian'ccoi'ccu tevaen'choma.

Números 11:17

Tseni gi andepa que'i'ccu condasepa quenga afe'cho Qquendya'pama enttingeve isupa tsendeccunga afeya cuintsu quema fuitepa aindeccuma angacan'faye. Tsa'caen tson'nijan fae'ccoya'bi qui.

Éxodo 34:9

qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.

Éxodo 34:3

Majañi'qque que'i'ccu ansunde'masia tsu. Ni majañi'qque pa'cco ccotta'ccoma can'ma'sia tsu. Ni oveja, vaura'qque tsa ccotta'cco pporotsse shoshovima an'jen'masia tsu.

Éxodo 33:11

Nane Chigaja Moisési'ccu cambajunaccu tisu amigoma'caen condasecco'je. Tsa'caen condase nanimba Moisésja canqqueni ji'je. Tsa'ma tisema shondo'su Josué, tsa pushe me'choa Nun dutssi'yeja, minga'ni'qque joqquitssi'jembi tsa carpa tsa'o'ye.

Génesis 18:33

Na'suja tsa'caen Abrahami'ccu afa nanimba ja. Abraham'qque toequi tise carpa tsaoni shanda.

Génesis 17:22

Chigaja tsa'caen Abrahamnga supa ansundin ja.

Éxodo 33:8

Nane maqui Moisés tsa carpani jayi'nijan poiyi'cco a'i tisupa can'jen'cho carpa cani'jen'ttinga ccutsupa caña'jeñi moe'fa Moisés tsa carpanga ca'niña'ngae.

Éxodo 33:10

Aindeccuja maqui tsa'caen unjimba'cco ande dusesi atte'ta tisupa carpanga cani'jen'ttinga ccaru dyaipa Chigama iñajan'fa.

Éxodo 34:5

Tsonsi Na'su Chigaja unjimba'ccoi'ccu andepa tseni Moisési'ccu can'jen. Tsa'caen can'jemba tisu inisema conda.