Éxodo 32:5 - Cofán: Chiga Tevaen'jen

⁵ Tsa'caen tson'fasi attepa Aarónjan oque oraenqque'suve tsa vaura du'shui'ccu pporotsse ñoñamba qquen fundo: —¡Jinge tu'i fiestaen'faye Na'suma ñotsse afaye!

Éxodo 32:5 Referans Kwoze

1 Corinto'su 5:8

Tsa'cansi jinge Chiga manda'cho an'jen'choma añe, tssoru cupana'ccoma catiqquia'caen pa'cco tisu egae in'jan'choma catiye. Pa'cco egae tson'choma'qque cati'faya'cho. Pan cupana'cco mechoama anqquia'caen jinge ñotsse in'jamba tsa'caen ñotsse tson'faye.

Éxodo 32:4

Tsonsi Aarónjan isupa tsa corima tssutssiamba fiña cuintsu vaura du'shua'caen somboye. Tsomba ñoñaqque'su yoshavai'ccu ñoa'me nanitsse nani. Tsonsi poiyi'cco a'i tsama attepa qquen su'fa: —¡Israendeccu, va tsu que'i chiga, que'ima Egiptone somboen'su!

Éxodo 12:14

Ña tsa'caen tson'choma injan'jemba qui tsesu ccovu nepi'ninda rande fiestave ñane tson'faya'cho. Tsa'caen que'i tson'chota tsu tsangae jinchoya. Que'i omba'su dushundeccu'qque cuintsu injan'jemba tsa'caen tson'jen'faya'chove.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 32:6

Ccaqui a'ta sinte'yi jangipa afe'choma oque oraemba, ñoquiañe afeqque'suve'qque, tsa ñoña'cho vauranga afe'fa. Tsa'caen tsomba tse'i aindeccuja dyaipa amba cui'je'fa. Omboe jangipa egae tsincoñe ashaen'fa.

Éxodo 17:15

Tsomba Moisésja Chiganga afeye oque'je'chove ñoñamba tsama qquen inisian “Na'su Chiga tsu ña bandera.”