Éxodo 32:33 - Cofán: Chiga Tevaen'jen

³³ Tsa'ma Na'su Chigaja qquen su: —Jo'su ñama chi'gapa egae tsinconsundeccumbe iniseveyi gi ccuchaya.

Éxodo 32:33 Referans Kwoze

Salmos 69:28

¡Tise'pa inise canseya'cho tevaen'jeni jinchoma ccuchaja! ¡Nane ño'andeccui'ccu fae'ngae tise'pa inisema tevaenjama!

Canjaen'cho 20:12

Tsomba poiyi'cco pa'chondeccuma atte. Poiyi'cco, majan ti'tsse'tssia, majan utu'ccoa, na'su dyaipa'chonga ccutsu'fa. Ccutsusi tevaen'jema tsu fetta tsama camba poimbe injama'choma somboeñe. Poi a'imbe cansepa ma'caen tson'choma tevaen'jenga tevaeñesi tsama camba pa'chondeccu injama'choma somboen. Toya'caen faesu tevaen'jen, Canseya'cho Tevaen'jema'qque fetta.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Filipo'su 4:3

Faenga'su, chigáne va dos pushesuma ñotsse fuiteja. Queja ñai'ccu ñoa'me fae'ngae sema'su. Tise'pa'qque Clementei'ccu, cca'i ñai'ccu fae'ngae semasundeccui'ccu fae'ngae sema'fa va ñotsse condase'choma condaseye. Chigaja tise'pa inisema tsu Tise Tevaen'jenga tayo tevaen tsangae canse'faya'choe.

Canjaen'cho 3:5

Poiyi'cco majan tise'pa'caen patsu'ta tsu tsa'caen totoama ondiccupa canse'faya'cho. Toya'caen tise'pa inisema tsangae canseya'cho a'i tevaen'jenga tayo tevaen'chosi ccuchaya'bi gi. Nane ña yaya Chiga Quitsa, Tisema sefacconi'su shondosundeccu'qque caña'jen'ni gi tsendeccune ñotsse afaya “Ña a'i tsu” qquen supa.

Éxodo 17:14

Tsonsi Na'su Chigaja Moisésnga su: —Va tson'choma tevaenjan tisu injan'jeñe. Toya'caen Josuénga suja amalecitandeccuma fi'ttipa gi tise'pane injan'jen'choma'qque metsse ccuchaya.

Salmos 69:29

Tsa'ma ña pajipa vana'jen'choma chigáne, Ña Chiga, ñama pañamba jangiamba ccushaenjan.