Éxodo 32:17 - Cofán: Chiga Tevaen'jen

¹⁷ (Moisés ccotta'cco'ye andejipa Josué can'jeni jisi) Josuéja aindeccu fundo'je'choma pañamba Moisésnga conda: —Canqquene geraen'jemba fundojeqquia'caen gi paña.

Éxodo 32:17 Referans Kwoze

Éxodo 24:13

Tsama pañamba Moisésja jangipa tisema shondo'su Josuéi'ccu Chiga can'jen'cho ccotta'cconga ansunde.

Éxodo 17:9

Tsonsi Moisésja Josuéma su: —Majan tsandiendeccuma avusepa amalecitandeccui'ccu iyicco'faja. Ñanda gi tu'i Chiga quini'ccoma indipa ccotta'cco'cho ombani ccutsuya.

1 Samuel 17:52

Ja'fasi israendeccu toya'caen Judá ande'su sundarondeccu fundopa mandian'fa. Nane geraemba iyicco'jene fundopa Gat canqque'su sombo'ttinga ne'pitsse tise'pama mandian'fa. Toya'caen Ecrón canqque sombo'ttinga'qque ne'pitsse tise'pama mandian'fa. Tsa'caen mandiamba fittitti'fasi pa'cco Saaraim tsaiquini Gat toya'caen Ecróni ja'je'cho tsu filisteo sundarondeccu pajin ccui'choma atte'fa.

1 Samuel 17:20

Ccaqui a'ta sinte'yi Davidja faesu ovejama coira'sui'ccu ovejama catipa tise yaya Isaí afe'cho anqque'suma isupa tsaiqui'ye ja sundarondeccu can'jeni jaye. Tise nepi'ccu tsu sundarondeccuja filisteondeccui'ccu iyiccoye sombopa fundo'fa geraeña'chove.

Jueces 15:14

Filisteondeccu canjen'cho Lehini nepijisi attepa filisteondeccu avujatsse fundoccopa sombo'fa. Tsa'caen fundopa ji'fasi Na'su Chiga Qquendya'pa Sansónma in'jaensi tisema tandan'cho sogama jongoesu lino ju'ru shequeqquia'caen tisu tivei'ccu opattu shequian.

Josué 6:20

Josué tsa'caen mandasi tsonjen'choma jeña'fasi aindeccu'qque poiyi'cco fundo'fa. Tsa'caen jeñamba quian'me fundo'fasi canqque ttuccuja osuipa amppi. Tsonsi poiyi'cco a'i tansintsse ansundepa ca'nimba canqquema patsu'fa.

Josué 6:16

Septimome shoquendi'fasi Josuéja aindeccuma qquen manda: “¡Fundo'faja! ¡Nane Na'su Chiga tsu va canqquema patsupa que'inga afe!”

Josué 6:10

Tsa'ma Josuéja tayo aindeccuma su cuintsu opitsse jacan'faye tise mandaya'ngae. Nane quian'me afambe'yi opitsseyi jacan'faya'cho. Tsa'ma maqui tise mandasi cuintsu quian'me fundo'faye.

Josué 6:5

Tsomba tsendeccu tsonjen'choma bia'ave jeñasi paña'da poiyi'cco a'i tsu fae'ngae fundo'faya'cho. Tsa'caen fundosi tsu canqquema ttu'choja osuiya. Osuisi tsu poiyi'cco a'i tansintsse ansundepa ca'nimba iyicco'faya'cho.”

Éxodo 32:18

Tsa'ma Moisésja su: —Yata tsu patsupa avujapa settapoen'jen'chombi ni ganañemba ñombi'yepa settapoen'jen'chombi. Nane ñanda gi paña ccaninga settapoen'bave.

Éxodo 32:6

Ccaqui a'ta sinte'yi jangipa afe'choma oque oraemba, ñoquiañe afeqque'suve'qque, tsa ñoña'cho vauranga afe'fa. Tsa'caen tsomba tse'i aindeccuja dyaipa amba cui'je'fa. Omboe jangipa egae tsincoñe ashaen'fa.

Éxodo 32:16

Chigayi tsu tsa patufin'dive ñoñamba tise'yi tise in'jan'choma tsanga tevaen.