Éxodo 32:14 - Cofán: Chiga Tevaen'jen

¹⁴ Moisés tsa'caen susi Na'su Chigaja tise aindeccuma dañoñe in'jan'choma antte.

Éxodo 32:14 Referans Kwoze

Jonás 3:10

Chigaja Nínive'su a'i egae tson'choma anttepa ñotsse canseye in'jan'choma atesupa ñoquipa tise'pama sefaen catiye su'choma antte.

Jeremías 26:13

Tsa'cansi que'i canse'choma que'i tson'choma'qque tansian'faja. Na'su que'i Chigama ñotsse paña'faja. Nane tsa'caen tson'ninda tsu Chigaja tise que'inga egae tsoña'chove su'choma tsoña'bi.

Salmos 106:45

Pañamba tise a'i'ccu fae'ngae injancco'fa'choma injan'jemba tise ñoa'me ti'tsse in'jan'choma canjaemba vuiquipa tise'pama ccaningae tson.

Jonás 4:2

Tsa'camba Na'suma iñajamba qquen su: —Na'su que canjan. Ña toya tisu andeni can'jen'ni que su'nijan tayo gi in'jan que qquen tsoña'choma. Tsa'camba gi junde Tarsisni ccuyapa jaye in'jan. Nane in'jan gi que qui Chiga ño'an, a'ima mendeye'su, junde iyicca'ye'ma'sia qui. Nane queja ñoa'me a'ima vanaeñe supa junde ñoquipa tise'pama antte.

Joel 2:13

Tsa'cansi tsu toequi Na'su que'i Chiganga shanda'faya'cho. ¡Tisu sarupama chittambe'yi que'i injama'choma chittaqquia'caen cambiaña'cho! Nane Na'suja junde iyicca'yembipa que'ima ñoa'me in'jamba mende'yepa que'inga egae tsoñe in'jambi. Tsonsi Na'suja su:

Jeremías 26:19

“Miqueas tsa'caen condasesi, ¿Na'su Ezequías, Judá aindeccu'qque Miqueasma indipa fi'tti'fa ti? Me'in, fi'tti'fambi. Tsa'ma na'su Ezequías Na'su Chiga su'choma dyopa Na'suma iñajan cuintsu Judá aindeccuma mende'yeye. Tsa'caen iñajansi Na'suja tise'panga egae tsoña'chove su'choma tsombi. Nane Jeremíasma fi'tti'ninda, ¿Isha tsu Na'su Chigaja ingima ñoa'me egae tsoña?”

Éxodo 33:13

Nane ñoa'me que su'cho tsa'camajan que asi'ttaemba in'jan'choma ñanga canjaenjan cuintsu ñajan que suqquia'caen tsoña'chove atesupa toya quei'ccu jacan qquen injan'jeñe. Ñotsse in'janjan va aindeccuja que aindeccu tsu.

1 Samuel 15:11

—Ñombi'ye gi Saúlma na'suve ca'niamba. Nane tiseja ñama catipa ña manda'choma pañambisi gi ñombi'ye. Samuelja Na'su Chiga su'choma pañamba injama'choni zuccopa pa'cco cose Na'su Chigama iñajan'jen.

Génesis 6:6

attepa in'jamba ñombi'ye aindeccuve tayo agattoemba. Nane Tise agattoen'chone asi'ttaemba injama'choni ñombi'yepa

Números 14:20

Na'su Chigaja qquen su: —Ñotssi tsu, que iñajanqquia'caen gi aqque'papa ñoquiya.

Jueces 2:18

Faesu aindeccu israendeccuma patsusi vana'jen'ninda tsu Na'su Chigaja tise'pa ina'jen'choma pañamba tise'pama mende'ye. Mede'yepa ñoquian'suma ccutsiamba fuite cuintsu tsambe cansuite israendeccuma tise'pa iyiccosundeccu'ye ccushaeñe.

Salmos 106:23

Tsa'can'fasi Chigaja tise'pama fi'tti sefaeñe in'jamba susi Moisésja enttingenga ccutsupa Chiga iyicca'ye'choma vuiquian. Vuiquipa Chigaja ingima fi'tti sefaembi.