Éxodo 32:1 - Cofán: Chiga Tevaen'jen

¹ Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Éxodo 32:1 Referans Kwoze

Tson'fa'cho 7:40

Moisés toya Sinaí ccotta'cconi can'jen'ni tise'paja Moisés quindya Aarónma su'fa: “Ingimbe ñoñajan chigave cuintsu ingima o'tie angacañe. Nane atesu'fambi gi mingae dapa tsu uta jimbi Moisés, ingima Egipto'ye somboen'suja.”

2 Pedro 3:4

Iñajampaña'faya tsu: “¿Micomba tsu Cristo jiya'cho qquen su'chota jimbi? Coenzandeccu pa'ni'qque ja'ño pan toya andema tseyi agattoenqquia'caen osha'cho toeningatssi.”

Éxodo 24:18

Tsonsi Moisésja tsa unjimba'cconga ca'nimba ccotta'cconga ansundepa cuarenta a'ta pa'cco cuarenta cose'qque tseni can'jen.

Mateo 24:48

Tsa'ma tsa semoen'su ño'ambi'ta tise na'su uta jiya'bi qquen tsu in'jan. Nane na'su uta jiya'bi qquen in'jamba

Tson'fa'cho 17:29

Chiga dushundeccuve'can'da qui que'i in'janqquia'caen in'jan'fambiye'can. ¿Ma'caen tsu Chigaja cori, totoa cori, patuma ñoña'choya? Nane a'ija aqquia injanga tisu injama'choi'ccu in'jamba tsa'caen ñoña'fa.

Tson'fa'cho 19:26

Tsa'ma ja'ño que'ija pañamba atte'fa va Pablo tson'jen'choma. Tiseja vani, pa'cco Asia andeni'qque tsu atesian'jen “A'i ñoña'cho chigaja ñoa'me chigambi.” Tsa'caen susi tsain'bitssi a'i tsama pañamba Dianama catipa tsave in'jan'fa.

Éxodo 32:11

Moisésja tsa'caen in'jambipa Na'su Chigama ñoquiañe in'jamba qquen su: —Ña Na'su, ¿jongoesie qui que aindeccuma iyicca'ye? Nane queyi qui tise'pama Egiptone somboen osha'cho paqque'sui'ccu tsomba.

Éxodo 32:7

Tsonsi Na'su Chigaja Moisésnga su: —¡Junde andepa jaja! Egiptone que somboen'cho aindeccu tsu qqueye tson'jen'fa.

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Éxodo 13:21

Poi a'ta tsu Na'su Chigaja unjimba'ccoi'ccu fuitepa canjaen'jen maningae ja'faya'chove. Toya'caen coseta tsu si'ngei'ccu sefane chanjiemba canjaen'jen. Tsa'caen canjaensi pa'cco a'ta pa'cco cose'qque jaye osha'fa.

Éxodo 16:3

qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Génesis 44:15

Tsa'caen ccarupa puntssan'fasi Joséja tise'pama su: —¿Jongoesuma qui tson'fa? ¿Atesu'fambi ti qui majan a'i ña'caen osha'chove atesucho'choma?

Josué 7:13

Japa aindeccuma mandaja cuintsu tise'pa injama'choma ñoña'faye, tu'i ñanga ccutsuya'chove. Nane ña, Na'su, tsa israendeccumbe Chiga gi qquen su: ‘Tsa ña metsse que'i catiya'chove anttecho'suja toya tsu israendeccuni can'jen. Tsama que'i'ye joqquitssiya'mbi'ta qui que'i'ccu iyiccosundeccui'ccu cambajunaccu ccutsuye osha'fambi.’

Éxodo 33:3

Ja'faja. Nane tseni tsu chocho, tuño cuñajun'cho'qque tsa'qquia'caen sombo'je'cho ande. Tsa'ma ñajan que'i'ccu fae'ngae jaya'bi gi in'jamba'qque que'ima utu tsaiquinga sefaensa'ne. Nane que'ita qui ñoa'me injiengembitssi'fa.

Génesis 44:4

Toya canqquema biani ja'fambi'te Joséja tise tsa'oma coira'sunga su: —Va tsandiendeccuma omboemba cachuiccopa qquen suja: “¿Jongoesie qui ñotssiama egai'ccu afepoenqquia'caen tson'fa? ¿Jongoesie qui totoacori tasama cca'na'fa?

Génesis 39:8

Tsa'ma Joséja in'jambipa qquen su: —Que canjan, ña na'su tsu pa'cco tise an'bian'choma ñanga antte tsama ña coiraye. Ña vani can'jensi tiseja jongoesuve asi'ttaemba manda'jembi.

Génesis 19:14

Tsa'caen susi Lotja tise dusundeccunga japa conda. Nane tayo tsu antteye su cuintsu tsendeccu tise onquengendeccuma pusheye. Tise'pama su: —Jangipa va'ttie joqquitssipa ja'faja. Ñoa'me tsu Na'su Chiga va canqquema sefaen catiye tson'jen. Tsa'ma tise dusundeccu pañambipa feña'fa.

Mateo 24:43

Ñotsse in'jan'faja: Tsa'o na'suja ccanamba mi'getssi horani cose jiya'chove atesu'choecan'da ñoa'me tsu bittapa caña'jeñe'can tise tsa'o'suma cca'nasa'ne.

Génesis 21:26

Pañamba Abimelecja su: —Ja'ño gi tsane me'ttia'ye paña. Nane que ñanga condambisi gi atesumbe can'jen. Atesumbi gi majan tsu tsa'caen tson.

Éxodo 32:23

Tise'pa tsu ñama su'fa: ‘Chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?’

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Éxodo 24:12

Tsonsi Na'su Chigaja Moisésnga su: —Ña can'jen'cho ccotta'cconga ansundepa tse'tti ñame ronda'jeja. Nane quenga gi afeye in'jan dos patufin'dinga ña manda'chove tevaen'choma cuintsu israendeccuma manda'jeye.

Éxodo 32:22

Tsonsi Aarónjan su: —Ña na'su, ñama iyicca'yejama. Que'qque qui ñoa'me atesu va aindeccu egae tsincoñe in'jan'choma.

Deuteronomio 9:1

“¡Israendeccu, ñama paña'faja! Tayo tsu Jordánma iseya'cho nepi. Isepa qui que'ima ti'tsse quin'anma, ti'tsse injan'on aindeccuma patsuye ashaen'faya. Tise'pa rande canqquema'qque sefa'tssia ttuccui'ccu ttu'cho canqquema qui osuiamba patsu'faya.

Deuteronomio 31:8

Na'su que Chigaja quema o'tie japa quei'ccu can'jeña. Tiseja quema catiya'bi ni chi'gaya'bi. Tsa'cansi dyojama ni injansejama.”

Salmos 106:19

Horeb ccotta'cconi aindeccuja ñoña'cho vaura du'shuve ñoña'fa. Corima tssutssiamba ñoña'cho chigave ñoñamba tsanga iñajan'fa.