Éxodo 3:7 - Cofán: Chiga Tevaen'jen

⁷ Tsa'ma Na'su Chigaja ti'tsse afapa su: —A'tatsse gi atte ña aindeccu Egiptoni vana'jen'fa'choma. Toya'caen gi paña tise'pa ñombi'yepa fundo'je'choma semoesundeccu tise'pama vanae'jen'fasi. Ñoa'metsse gi atesu tise'pa ñombi'ye'je'choma.

Éxodo 3:7 Referans Kwoze

Salmos 106:44

Tsa'caen tson'jen'fa'ni'qque Chigaja tise'pa vana'jen'choma attepa tise'pa vana'jemba ina'jen'choma paña.

Salmos 34:6

¡Va'cha a'i gi! Tsa'ma Na'suma iñajansi tiseja ñama paña. Pañamba ña vana'jen'cho'ye ñama ccushaen.

Salmos 34:4

Na'suma tta'ttasi tiseja ñama paña. Pañamba pa'cco ña dyopa in'jan'choma joqquitssian.

Éxodo 1:11

Tsa'caen in'jamba egiptondeccuja mandasundeccuve ccutsiamba manda'fa cuintsu israendeccuma aiye'pa semambanga ca'nia'faye. Tsa'caen ca'niamba manda'fa cuintsu Pitón canqque toya'caen Ramsés canqqueve ñoña'faye. Nane egipto'su na'su faraónda tsu tsa canqqueve ñoña'faye manda tise an'bian'cho trigoma tseni boñañe.

Génesis 29:32

Leaja surive dapa fae tsandie du'shuve isu. Isupa su: “Na'su Chigaja ña ñombi'ye'choma atte. Tsa'cansi ja'ño tsu ña tsa'nduja ñama in'jaña.” Tsa'caen supa tsu tsa du'shuma inisian Rubén.

1 Samuel 9:16

“Tu'i, chiga ja'ñoa'can'ni ñajan queni moeñe tson'jen Benjamín a'i'su tsandiema. Tise jisi tise tsovema aseitei'ccu fetija tsa a'i ande na'suve daya'cho qquen canjaeñe. Tise tsu ña aindeccuma ccushaeña filisteondeccu'ye. Nane ña aindeccu vana'jemba ina'jen'fasi gi tise'pama pañamba ccushaeña.”

Hebreo'su 4:15

Nane ingine Chigama afa'su tsu ingi qque'choma atesupa ingima mende'yeye osha. Tise'qque ingia'caen a'ive dapa can'jensi Satanajan tisema'qque qqueña qquen tson. Tsa'camba Jesúsja egae tsincon'choma patsu'a'qque tsu ingi qque'choma injan'jen.

Génesis 18:21

Tsane gi japa atesuya tise'pa ña pañaqquia'caen tsincon'choma. Attepa gi in'jaña.

Tson'fa'cho 7:34

Atte gi ña a'i Egiptoni vana'jen'choma. Paña gi tise'pa attuse'je'fa'choma. Tsa'camba gi ji tsendeccuma tise'pa vana'jen'cho'ye somboemba ño'faeñe. Ja'ñojan que jija, ña quema mandamoeñe Egiptoni.”

Génesis 16:11

Tayo qui suri. Tsandie du'shuve isupa qui Ismael qquen inisiaña. Nane Na'su Chiga que ina'jen'choma pañamba in'jansi qui tsa'caen inisiaña.

Génesis 21:17

Chigaja pañamba tisema sefacconi'su shondo'suma moe. Sefaccone tsu Chigama shondo'suja Agarma ttu'sepa su: “¿Micomba qui tsa'caen dyai, Agar? Dyombe canjan. Tayo tsu Chigaja paña du'shu tseni ccuipa ina'jen'choma.

Génesis 31:12

Tsa'caen susi tsu Chigama shondo'suja su: ‘Ñotsse camba qui atteya poiyi'cco oveja quitsaye pushei'ccu tandange'je'cho tsu ze'nzia, chhifa, toya'caen pi'piayi. Nane tayo gi atte pa'cco Labán quenga tson'choma.

Génesis 31:42

Nane Abraham Chiga, tsa ña yaya Isaac iñajan'jen'cho Chiga ñai'ccu can'jembiecan'da qui ñama itsapa me'ccoe moeñe'can. Tsa'ma Chiga tsu ña ñombi'ye'cho, ña ñotsse sema'choma'qque attepa ja'ño cose quema tsa'caen iyu'u.

Éxodo 5:6

Tsequi a'tayi tsu faraónjan semoeñe mandasundeccu toya'caen semoen'su israendeccuma'qque qquen manda antte:

Éxodo 5:10

Tsama pañamba semoeñe mandasundeccu toya'caen semoen'su israendeccu'qque sombopa japa aindeccunga su'fa: —Faraónda tsu ingima su ccase que'inga shoshovima afe'jembe can'faye.

Éxodo 33:13

Nane ñoa'me que su'cho tsa'camajan que asi'ttaemba in'jan'choma ñanga canjaenjan cuintsu ñajan que suqquia'caen tsoña'chove atesupa toya quei'ccu jacan qquen injan'jeñe. Ñotsse in'janjan va aindeccuja que aindeccu tsu.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.

Salmos 35:22

Na'su, que'qque qui vama atte. ¡Ziyajama ni ña'ñe biani can'jenjama!

Éxodo 1:8

Bo'tsse can'jensi omboe faesu cuna egipto'su na'su, tayopi'su Joséma atesumbi'choa, na'suve dapa tise aindeccunga su: