Éxodo 3:14 - Cofán: Chiga Tevaen'jen

¹⁴ Iñajampañasi Chigaja su: —ña gi ñoa'me ña. Toya'caen israendeccungata qui suya: ‘Tsa ña gi qquen su'cho tsu que'ini ñama moe.’

Éxodo 3:14 Referans Kwoze

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 1:4

Ña, Juan gi Asia andeni'su siete Jesúsve in'jamba bo'fa'chonga tevaen'jen: “Opatsse qui canse'faya. Ña gi que'ima ccushaeña.” qquen tsu tsa Meite Jinchopa, Ja'ño'qque Jincho'chopa, Tsangae Jinchoya'choja que'ima chigambian. Toya'caen tsa Chigambe dyaipa'cho jini can'jen'cho siete qquendya'pa'qque tsa'caen que'ima chigambian'fa.

Canjaen'cho 1:17

Tisema attepa gi tise tsutteccofanga paqquia'caen amppi ccui. Tsa'ma tiseja tansinfa'su tivei'ccu ñama pporaemba su: —Dyombe canjan. Ña gi Me'ttie'su toya'caen Osefa'tti'su.

Canjaen'cho 4:8

Poi canse'pa jinchondeccu tsu seis sanccopave an'bian'fa. Ombafa'fani, tsosiccu'fani, enttingeni'qque tsu tsain'bio tso'fe sheque'fa. Pa'cco a'ta, pa'cco cose'qque anttembe'yi tsu qquen settapoen'fa: Ñotssia, ñotssia, ñotssia tsu Na'su Chiga Quitsaja. Tsaja osha'choma oshacho. Tiseja tayopi jinchopa, ja'ño'qque jincho. Jai'ngae'qque tsu tsangae jinchoya.

2 Corinto'su 1:20

Chigaja osha'cho a'inga tsoña'choma condasepa Jesucristoi'ccu tsa'caen tson. Tsa'cansi ingi'qque Cristove in'jamba Chigane ñotsse afa'ta “Tsangaeyi” qquen gi su'fa.

Juan 8:28

Tsa'cansi Jesúsja su: —Que'ija ñama avuja'cconga jangiamba qui atesu'faya ñajan Sefaccone Ji'cho A'ive. Atesu'faya qui ñajan tisuyi tsa'caen tsincombi'choa'ma'qque. Tsa'ma ña Yaya ñama moen'su ñai'ccu can'jensi gi ñajan Tise atesian'choma conda. Nane ña Yayaja ñama tisuveyi catimbe ñai'ccu can'jen, ña Tise in'janqquia'caen tson'jensi.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Mateo 18:20

Nane tres, tsambi'ta dosyi ñame in'jamba bo'fa'nijan ñajan tise'pai'ccu fae'ngae can'jen.

Job 11:7

¿Osha ti qui osha'cho Chigane jinchoma atesuye? ¿Nane tise injama'cho in'jan'choma atesuyeta ti qui osha?

Juan 8:24

Tsa'camba gi su: Que'ija toya egae jinchopa qui pa'faya. Nane majañi'qque ñame in'jambi'ta toya egae jinchopa qui pa'faya.

Éxodo 3:13

Tsa'ma Moisésja ccase afapa su: —Ña israendeccunga japa: ‘Tsa que'i coenzandeccumbe Chiga tsu ñama que'ini moe’ qquen ña susi tsendeccu: ‘¿Jongoesu inise tsu?’ qquen iñajampaña'ninda ¿jongoesu qquen gi suya?

Éxodo 23:21

Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.