Éxodo 3:1 - Cofán: Chiga Tevaen'jen

¹ Moisésja tise quitsa ccashe'ye Jetro ovejandeccuma coira'je. Nane Jetro tsu Madián'su Chigama afa'su (tise faesu inise Reuel). Tsa'caen coira'jepa biani a'i menia angapa fae a'ta tsu Horeb ccotta'cconga nepi. Tsa ccotta'cco tsu Chiga can'jen'cho ccotta'cco.

Éxodo 3:1 Referans Kwoze

1 Reyes 19:8

Tsa'caen susi Elíasja ccase jangipa amba cu'i. Tsa anqque'su tsu tisema quiñaen cuarenta a'ta, cuarenta cose'qque japa Horeb ccotta'cco, tsa Chiga Moisési'ccu condase'cho ccotta'cconga nepiya'ngae.

Éxodo 17:6

Ñanda gi Horeb ccotta'cco'su patuvo'choni queve ronda'jeya. Tsanga nepipa patuvo'choma ochhaisi tsu tsa'ccuja somboya cuintsu aindeccu cu'i'faye. Moisés poiyi'cco israe'su coenzandeccu caña'jen'ni

Malaquías 4:4

“Ñotsse injan'jen'faja ñama shondo'su Moisésnga Horeb ccotta'cconi afe'cho manda'choma. ¡Nane poi israendeccu tsu tsa manda'cho su'choma pañamba tson'faya'cho!

Éxodo 19:11

tisuma'qque ñoñaña'cho tui'vene. Nane ña Na'su Chigata gi tui've Sinaí ccotta'cconga andeya poiyi'cco aindeccu caña'jen'ni.

Lucas 2:8

Beléni pporotsse tsu can'jen'fa oveja coirasundeccu. Cose potreroni can'jen'fa tise'pa ovejama coiraye.

Salmos 106:19

Horeb ccotta'cconi aindeccuja ñoña'cho vaura du'shuve ñoña'fa. Corima tssutssiamba ñoña'cho chigave ñoñamba tsanga iñajan'fa.

Éxodo 24:13

Tsama pañamba Moisésja jangipa tisema shondo'su Josuéi'ccu Chiga can'jen'cho ccotta'cconga ansunde.

Éxodo 19:3

Chiga ttu'sesi Moisésja ccotta'cconga ansunde Chigama cachuiye. Ansundesi Na'suja ccotta'cco'ye tisema su: —Va ña quenga su'choma tansintsse condaja Jacob omba'su dushundeccunga tsa israendeccunga:

Éxodo 3:5

Tsa'caen susi Chigaja su: —Vani catsejama. Que sapatoma shichhaja. Va'tti que ccutsu'ttija Chiga ande tsu.

Éxodo 2:16

Tseni canjen'su, Reuel, Madián ande'su Chigama afa'suja siete onque'ngeme an'bian. Tsequi a'ta tsendeccuja posoni ja'fa ovejama cuiña'jen'cho shavoccunga tsa'ccuma on'boemba tise yaya ovejama cui'ñañe.

Amós 1:1

Toya dos canqque'fa ande oyambi'te Chigaja Tecoa canqqueni canjen'su ovejama coira'su Amósma in'jaemba Israelne conda. Tsaite Uzías Judáma manda'jesi Joás dutssi'ye Jeroboamjan Israelma manda'je.

Éxodo 4:27

Tsa'caen supa Egiptoni can'jen'cho Aarónga Chigaja su: “A'i menia japa Moisésma cachuija.” Tsa'caen susi Aarónjan Chiga can'jen'cho ccottacconi japa Moisésma cachuipa mochapa chigambian.

Éxodo 2:21

Tsa'caen tsonsi tsu Moisésja tsa Reuel ettini canseye ashaen. Can'jensi Reuelja tise onque'nge, Séforama, Moisés pusheve antte.

Éxodo 2:18

Pushesundeccu toequi tise yayani ja'fasi tise'pa yayaja iñajampaña: —¿Ma'camba qui ja'ñojan jundeyi ji'fa?

Tson'fa'cho 7:30

Tseni'qque cuarenta canqque'fave Sinaí ccotta'cco pporotsse a'i menia can'jensi Chigama sefacconi'su shondo'suja tisenga attian. Nane si'ngeveyi quini'si anchandasi attian.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Éxodo 4:18

Tsa'caen susi pañamba Moisésja tise quitsa ccashe'ye Jetro tsaoni jipa su: —Toequi Egiptoni jaye gi in'jan ña antiandeccuma can'su. Atesuye gi in'jan tise'pa toya canse'chove. Jetroja su: —Ñotsse japa can'gaja.

Éxodo 19:2

Refidimne sombopa Sinaí a'i menia nepipa tse'tti can'jen'fa ccotta'cco isevetsse.

Éxodo 33:6

Tsa'caen susi pañamba israendeccuja Horeb ccotta'cco'ye sombo'ta poiyi'cco tise'pa sasiyo, andupama'qque andu'fambi.

Números 10:33

Tsa'caen Na'su Chiga ccotta'cco'ye sombopa poi israendeccu tres a'tave fae'ngae tsuipa jayi'fa. Jayi'fasi Na'su Chiga a'i'ccu injancco'fa'cho cafonjan tise'pama o'tie ja tise'pa mani ño'faya'chove tta'ttaye.

1 Samuel 16:11

Tsomba Samuelja Isaíma iñajampaña: —¿Faesu du'shuveta ti qui an'biambi? Tsonsi tsu su: —Toya tsu fae'cco ñoa'me chu'a can'jen. Tiseja ovejama coira'su tsu. Tsonsi Samuelja su: —Mandaja cuintsu i'nga'faye. Nane tise toya jimbi'te ashaeñe oshambi gi.

1 Reyes 19:19

Elíasja tsene sombopa japa Eliseoma cachui andema dyandya'je'choma. Nane Eliseo tsu sema'su vaurai'ccu semamba an'ccoma qquitssa'je andema dyan'dyaye joña'chove. Nane tisema o'tie tsu dose qquitssapa dyandya'je'cho–poiyi'cco tsu dos vaura. Eliseo tsu omboe jiña'cho dosma asittaen'su. Elíasja Eliseoma cachuipa tise omba'su oppoen'cho sarupai'ccu Eliseonga catsepa oppoen.