Biblia Todo Logo
Bib sou entènèt

- Piblisite -




Éxodo 24:8 - Cofán: Chiga Tevaen'jen

8 Tsa'caen su'fasi Moisésja anjampama isupa aindeccunga zanzapa qquen su: —Va anjampa tsu que'i Na'su Chigai'ccu injancco'fa'choma canjaen, que'i tayo tise condase'choma pañasi.

Gade chapit la Kopi




Éxodo 24:8
23 Referans Kwoze  

Moisésja tsa'su anjampama enttingeve tasanga boña. Toya'caen enttingeve tsa Chiganga afeye oque'je'chonga zanzan.


Va cui'ccuja ña anjampa tsu. Chiga a'i'ccu fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.


Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa


Tsa'caeñi tsu an nanimba tasama'qque isupa su: “Ña anjampa que'ine tssansi tsu va tasaja Chiga quei'ccu cuname fae'ngae injancco'fa'chone canjaeña. Minga'ni va tasama cui'je'ta ñama injan'jen'faja.”


Cui'je'fasi Jesúsja su: —Va tsu ña anjampa –Chiga a'i'ccu tseyi fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.


Chiga Quitsaja osha'choma atesupa tayoe tisu in'jan'cho a'ima in'jamba ja'ñojan tsendeccuma ttu'se. Que'i qui tsendeccu. Chigaja Tise Qquendya'pai'ccu que'ima Tisene pa'cco ñotsse ñoña cuintsu Jesúsma pañamba tise anjampai'ccu ccuchayepa canse'faye. In'jan gi cuintsu Chiga que'inga osha'cho ñotsse tson'jensi que'i ñotsse opatsse canse'faye.


Omboe pa'ccoma an nanimba tasama'qque isupa afe. Tasama afepa qquen tsu su: —Chiga Quitsa aindeccui'ccu cuname injancco'fa'choma condasesi ña anjampa tsu tsane tssaña'cho. Que'ine gi ña anjampama tssañaña. Va o'fa tsaja tasa tsu ña anjampa tssamba ccushaen'choma canjaen.


Chigaja ñoa'me ingima in'jamba ccushaen. Nane Jesucristo anjampa tssansi Chigaja ingima ccushaemba ingi egae tsincon'choma'qque joqquitssian.


tise poi ande'su a'ima giyaensi avujatsse can'boen'faya. Nane ande nasundeccu'qque attepa afaye osha'faya'bi. Tayoe pañambi'choama tsu in'jan'faya.


Moisés su'choma chi'gasi mende'yembe'yi fi'tti'ninda ñoa'me tsu Chiga Dutssi'yema chiga'suja ti'tsse dyo'tsse vanaña'cho. Jesúsja tise anjampa tssansi cuname Chiga a'i'ccu injancco'faya'chove ashaemba a'ima ttu'sesi tsu Chiga in'jan'cho aindeccuve da'fa. Tsa'ma tsendeccu'suja “Jesúsja aqquia a'ipa injanga pa” qquen in'jamba tise'pama ccushaen'suma chi'ga'fa. Nane Chiga Qquendya'pa tise'pama ñotsse tsoña'chove'qque se'pipa chi'ga'fa. Ñoa'me tsu tsendeccuja ti'tsse dyo'tsse vana'faya'cho.


Tsa'ma tsa'caen tise'pa aya'fai'ccu Chigama ñotsse afapa ñoa'me afopoen'fa.


Toya'caen tsa Chiga ettinga gi cuartove ñoña cuintsu tseni Chiga a'i'ccu injancco'fa'cho ppi'cho cafon ccuiye. Nane ingi tayopi'su antiandeccuma Egipto'ye somboemba tsu Na'suja tsa injancco'fa'choma tise'panga afa.”


Swiv nou:

Piblisite


Piblisite