Éxodo 24:14 - Cofán: Chiga Tevaen'jen

¹⁴ Israe'su coenzandeccumajan qquen su: —Que'ija va'tti ronda'je'faja ingi ccase jiya'ngae. Vani que'i'ccu tsu can'jeña Aarón toya'caen Hur. Tsendeccunga qui jongoesu vana'chove an'bian'da condaye osha'fa.

Éxodo 24:14 Referans Kwoze

Éxodo 17:12

Tsa'caen tson'jemba Moisés tive quimbisi patuma isupa ccuiña'fa cuintsu tsanga dyaiye. Dyaisi Aarón toya'caen Hur poifa'su tivema indicho'fa cuintsu yasachoye. Tsa'caen indicho'fasi Moisésja chiga amppiya'ngae anttembitsseyi yasajin dyai.

Éxodo 17:10

Josuéja Moisés mandaqquia'caen tsomba amalecitandeccui'ccu iyiccoye ja. Tsa'caen jasi Moisés, Aarón toya'caen Hur tsu ccotta'cco'chonga ansunde'fa.

Génesis 22:5

Attepa tise'be semasundeccuma su: —Vani boroi'ccu can'jen'faja. Ña, ña du'shui'ccu gi ti'tsse joccani japa Chigama iñajamba toequi ji'faya.

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?