Éxodo 23:23 - Cofán: Chiga Tevaen'jen

²³ Nane ñama sefacconi'su shondo'su tsu que'ima o'tie japa angaya tsa amorreo, hitita, ferezeo, cananeo, heveo, toya'caen jebuseondeccu can'jen'cho andeni. Tsendeccuma gi me'tsse sefaeña.

Éxodo 23:23 Referans Kwoze

Éxodo 23:20

“Que canjan, ña gi que'ima o'tie moeña ñama sefacconi'su shondo'suma cuintsu que'ima coirapa angaye que'imbe ñoña'cho andeni.

Éxodo 32:2

Tsonsi Aarónjan su: —Que'i pushendeccu, que'i dutssiyendeccu, que'i onquengendeccu tsosinani dusian'cho cori sasiyoma isupa ñani i'faja.

Génesis 34:2

Tsa'caen jasi Hamor dutssi'ye, Siquem, tisema atte. Tsa Hamorja, heveo'su a'i tsu tsa canqque na'su. Siquemjan Dinama attepa cunshangopa indipa tisei'ccu ccuipa egae tson.

Éxodo 3:17

Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Josué 9:1

Jordánma chiga amppi'jefa'su nasundeccu tsa tson'choma pañamba bo'fa israendeccui'ccu iyiccoye. Nane majan ccotta'cconi canjensundeccu, sinjunccuni canjensundeccu toya'caen rande mar otafani canjensundeccu Líbano andepie, tsu Josuéi'ccu iyiccoye bopa condasecco'fa. Nane tsa hitita'su, amorreo'su, cananeo'su, ferezeo'su, heveo'su toya'caen jebuseo'su nasundeccu tsu tsa'caen bo'fa.

Josué 23:9

Que'i iyicco'je'fasi Na'su Chigaja rande canqque'su quinsetssia aindeccuma a'tatsse tayo patsu. Nane ja'ño a'ta majan aindeccuyi'qque que'ima se'piye osha'fambi.

Deuteronomio 9:3

“Tsa'ma ñotsse in'jan'faja: Na'su que'i Chiga tsu si'nge anchandaqquia'caen que'ima o'tie jayipa tsa aindeccuma patsupa nepiaña. Nane Na'su suqquia'caen qui junde tsa aindeccuma joqquitssiamba nepian'faya.

Josué 5:13

Tsa'caen Jericó canqque pporotsse can'jemba Josuéja asuccocamba a'ima atte, sundaro matichima isu'cho tise isevetsse ccutsu'choma. Attepa tisenga catsepa qquen iñajampaña: —¿Que'qque ti qui ingi'su? ¿Tsambi'ta ingima iyiccayesundeccu'su?