Éxodo 19:5 - Cofán: Chiga Tevaen'jen

⁵ Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Éxodo 19:5 Referans Kwoze

Deuteronomio 7:6

Nane que'ija Na'su que'i Chiga in'jan'cho aindeccu qui. Na'suja poi ande'su aindeccu'su'ye que'ima in'jamba attufaen tisumbeve.

Éxodo 15:26

“Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Éxodo 23:22

Tsa'ma ñama sefacconi'su shondo'su su'choma ñotsse pañamba pa'cco ña manda'choma tson'ninda gi ñajan que'i'ccu iyiccosundeccui'ccu iyicco'jeya; toya'caen que'ima se'pisundeccuma gi sepi'jeya.

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

Éxodo 9:29

Tsonsi Moisésja su: —Pan va canqque'ye sombopa japa gi ña tivema sefaningae yasapa Na'su Chigama iñajaña. Tsonsi tsu tsandapandaquima pasaemba tsandama'qque pasaeña cuintsu que'i pa'cco va andeja Na'su Chigambe qquen in'jan'faye.

Salmos 24:1

Pa'cco ande tsu Na'su Chigambe. Osha'cho tseni jincho'cho'qque tsu tise'be. Toya'caen poiyi'cco tseni can'jensundeccu tise'be tsu.

1 Corinto'su 10:26

Ñoa'me pa'cco ande, osha'cho andeni jincho'qque Na'su Chigambe tsu.

Hebreo'su 11:8

Tsa'caeñi Abraham'qque Chigave in'jamba ñotsse pañasi Chigaja tisema ttu'sepa biani faesu andenga mandamaña. Tseni tisu andeve isupa an'biaña'chone conda. Mandamañasi Abrahamjan tise aindeccuma catipa ja. Tsa'ma tisu mani japa andeve isuya'choma atesumbe'yi ja.

Isaías 41:8

“Paña'faja israendeccu, que'i Jacob aindeccu, ña in'jan'cho Abraham omba'su dutssiyendeccu. Ñajan que'ima in'jamba gi attufaen ñama shondosundeccuve.

1 Samuel 15:22

Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.

Isaías 1:19

Que'i in'jamba ñama paña'da qui osha'cho va ande'su ñotssiama an'faya.

1 Reyes 8:53

Nane poi ande'su aindeccu'ye qui israendeccuma ttu'sepa isu tisumbe. Queja, Na'su Chiga, tsa'caen tsomba quema shondo'su Moisési'ccu tsama canjaen ingi tayopi'su antiandeccuma Egipto'ye somboemba.”

Éxodo 24:7

Omboe Moisésja Chigai'ccu injancco'fa'cho tevaen'jema poiyi'cco paña'jen'ni afa. Afasi pañamba su'fa: —Jinge pa'cco Na'su Chiga manda'choma ñotsse in'jamba tson'faye.

1 Corinto'su 10:28

Tsambi'ta majan que'inga: “Vata tsu ñoña'cho chiganga afe'cho aña'cho,” qquen su'ninda, tisema pañamba tsa aña'choma anjama.

Hebreo'su 8:9

Tsaja ña o'tie a'i'ccu fae'ngae injancco'fa'choa'cambi tsu. Tayopi tise'pa coenzandeccui'ccu fae'ngae injanccopa gi tise'pama anga Egipto ande'ye somboeñe. Tsa'ma ñama paña'ma in'jan'fambisi gi tise'pama ccane'qque pañambi –qquen tsu Na'suja su.

1 Pedro 2:9

Tsa'ma que'imajan Chiga in'jamba ttu'sesi qui Tisema afasundeccuve dapa Na'suma shondocan'fa. Que'ija egave mechoa aindeccu qui. Que'ija Chigambe a'i'fa qui Tise ñotsse tson'choma condaseye. Tiseja que'ima ttu'sepa sinttia'ye somboen Tise ñotssia a'tatssiani can'jen'faye.

Génesis 17:9

Toya'caen tsu Chigaja Abrahamma su: —Tsa'ma queja, poiyi'cco que omba'su dushundeccu'qque ña que'i'ccu injancco'fa'choma injan'jen'faja.

Éxodo 8:22

Tsa'ma tsa'caen da'je'ni'qque ña aindeccu can'jen'cho Gosén andenijan ni fae tenqquen'choyi'qque jaya'bi. Tsa'caen tsonsi qui in'jaña ñajan Na'su Chiga va andeni can'jen'chove.

Amós 3:2

“Poi ande'su aindeccuma camba gi jo'su que'iveyi ttu'se. Tsa'camba gi que'i ñotsse tsombian'da que'i injama'choma somboeña'cho.”

Éxodo 34:9

qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.