Éxodo 19:13 - Cofán: Chiga Tevaen'jen

¹³ Tsa'ma majañi'qque tisema pporaembe'yi patui'ccu tsambi'ta oma'ccoi'ccu tsu fi'ttiya'cho. Nane a'i tsambi'ta aiña'cho tsa'caen tson'ninda tsu junde fi'ttiya'cho. Tsonjen'choma pañambayi tsu aindeccuja tsa ccotta'cconga catseye osha'fa.

Éxodo 19:13 Referans Kwoze

Hebreo'su 12:20

Nane Chiga Aya'fa qquen manda'choma pañamba tsu dyo'fa: “Ña vani can'jensi majan va ccotta'cconga catsepa jaca'ninda tsu tsama patui'ccu ttovaccoemba fi'ttiya'cho. Nane oveja'qque jaca'ninda tsu tsama'qque fi'ttiya'cho.” Aya'fa qquen susi a'ija ñoa'me osha'fambi.

Éxodo 19:19

Toya'caen tsonjen'cho jen'jen'cho'qque ti'tsse quian'me je'ñacca'ni Moisés afasi Chigaja tsanda afaqquia'caen afa.

Éxodo 19:16

Dos a'ta pasasi tsanda tsu veyaemba afa'je. Toya'caen sintssia unjimba'cco tsu tsa ccotta'ccoma picco. Nane tsonjen'cho quian'me jen'choma pañamba poiyi'cco canjensundeccu ttun'dundu'je'e dyo'fa.

1 Tesalónica'su 4:16

Tsa'ma Na'suja ttu'seye mandapa Tisema sefacconi'su shondo'su na'su fundosi Chigambe jen'choma jeñasi Jesús tsu sefaccone andeya. Tsa'caen Na'su Jesús sefaccone andesi Cristove in'jamba pa'chondeccuja o'tie qquendya'faya.

1 Corinto'su 15:52

Tse'faei'ccuyi, pasa'pave sefacconi'su jen'choma jeñasi gi ccaningae da'faya'cho. Ñoa'me sefacconi'su jen'choma tsu jeñaña. Jensi pa'chondeccuja congo'masiave dapa tsu qquendyapa canse'faya. Ingi'qque ccaningae dapa canse'faya.

Éxodo 19:14

Chiga tsa'caen susi pañamba Moisésja ande aindeccuma ñoñañe cuintsu Chigama iñajan'jen'faye. Aindeccu tise'pa sarupama ma'ppan'fasi

Éxodo 19:17

Tsa'caen tsonsi Moisésja aindeccuma canqque'ye somboemba anga Chigai'ccu cachuiccoye. Angapa tise'pama ccotta'cco utufanga ccutsian itoyian.

Éxodo 34:3

Majañi'qque que'i'ccu ansunde'masia tsu. Ni majañi'qque pa'cco ccotta'ccoma can'ma'sia tsu. Ni oveja, vaura'qque tsa ccotta'cco pporotsse shoshovima an'jen'masia tsu.