Éxodo 16:3 - Cofán: Chiga Tevaen'jen

³ qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Éxodo 16:3 Referans Kwoze

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

1 Corinto'su 4:8

In'jan gi tayo qui rico'fa. Jongoesuma que'i in'jan'choma tayo qui an'bian'fa. Ingima catipa na'suve da'fa qquen qui in'jan'fa. Nane que'ija ñoa'me na'suve da'choecan'da ñoa'me ñotssiye'can tsu cuintsu ingi'qque fae'ngae que'i'ccu manda'faye.

Josué 7:7

Tsa'caen tsomba Josuéja su: —Na'su, Chiga Osha'choma Oshacho, ¿jongoesie qui va aindeccuma Jordán na'ema isiamba afe amorreondeccunga cuintsu ingima sefaen'faye? Nane toya jonifani can'jen'choecan'da gi avujatsse opatsse can'jen'faye'can.

2 Corinto'su 11:1

Sumbia'caen afaye tson'jemba gi in'jan que'i ñama paña'faye. Chigáne ñama pañamba in'jan'faja.

Tson'fa'cho 26:29

Tsonsi Pabloja su: —Jm jḿ, junde, tsambi'ta jai'ngae que tsa'caen da'ninda ñotssi tsu. Tsane gi Chigama iñajan'jen quene, toya'caen poiyi'cco ñama ja'ño pañasundeccune'qque cuintsu ña'caeñi da'faye –tsa'ma candename mechoyi.

Job 3:20

¿Jongoesie tsu Chigaja antte cuintsu qquen vanaña'cho isuyepa canseye? ¿Jongoesie tsu noñangiañemba qquen ñombi'ye'jeya'cho canseye'ta antte?

Job 3:1

Osefa'poe Jobja ziyapayi dyai'cho afaye ashaemba tise isuye'cho a'tama afasepa

Deuteronomio 8:3

Tsa'caen in'jamba tise'pama qquipoe'sian vanae'an'qque tsu omboe manáma o'fian. Nane que'i ni que'i tayopisundeccu'ye tsa manáma atesu'fambisi Na'su Chigaja tsama o'fian cuintsu que'i qquen in'jamba canse'faye: jo'su panmeñi amba canse'faya'bipa Chiga Aya'fa'qque in'jaensi tsu a'ija ñoa'me canse'faya.

Números 16:41

Ccaqui a'ta poiyi'cco israe'su aindeccu Moisés toya'caen Aarónma afaseye ashaen'fa qquen supa: —Que'i qui Na'su Chigambe aindeccuma fi'tti'je'fa.

Números 16:13

¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Números 11:15

Nane ñoa'me ñame in'jan'cho'ta panshaen tsa'caen ñama tsinconsa'ne junde ñama fi'ttija. Tsa'caen da'ta gi ti'tsse ña vana'jen'choma vanaña'bi.

Éxodo 5:21

Tsomba su'fa: —Cuintsu Na'su Chiga que'i ingima tson'choma attepa que'i injama'choma somboenjan. Nane que'i qui shacapa'fa faraón toya'caen tise mandasi semoeñe mandasundeccu'qque ingima chi'ga'fa'chone. Que'iyi qui tson'fa tise'pa ingima sema'moen cansepa sefaen'faya'chove.

Éxodo 2:23

Tsa'caen jasi can'jemba egipto'su na'suja pa. Israendeccuja ñoa'me vana'jemba ñombi'yepa fundo'je'fa tise'pa sema'suve tsangae ca'ni'choma asi'ttaemba. Tsa'caen ina'jen'fa'choma Chigaja pañamba

Números 14:3

¿Jongoesie tsu Na'su Chigaja va andeni ingima i? ¿Geraemba vani ingi pasi cuintsu ingi'ccu iyiccosundeccu ingi pushendeccu, ingi dushundeccuma'qque itsa'faye ti ingima i? ¡Nane bove ñotssi tsu toequi Egiptoni jaye!”

Salmos 78:19

Na'suma afasepa qquen su'fa: “¿Chigaja oshaya ti anqque'suma va a'i menia inginga afeye?

Salmos 78:25

¡Nane a'i tsu Chigama sefacconi'su shondosundeccu anqque'suma an'jen'fa! ¡Nane Chigaja tsama afe cuintsu an tteppu'faye!

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Números 11:20

Tsa'ma fae ccovu pa'ccone gi afeya cuintsu tsofátuni so'mbotsse amba chi'gatsse an'faye. Nane ña tise'pai'ccu can'jen'ni'qque tsu ñama chi'gapa cati'fa. Ñama catipa tsu ña paña'jen'ni i'namba su'fa: ‘¿Jongoesie gi Egiptone sombo'fa?’

Números 21:5

Utu tsaiquingayi aindeccuja tisu injan'jen'choma qquepa Chiga Quitsa toya'caen Moisésma qquen afase'fa: —¿Jongoesie qui ingima Egiptone somboen'fa? ¿Va a'i menia jipa pa'faye in'jamba ti qui somboen'fa? Nane tsa'ccu ni aña'chove'qque me'cho'fa gi. ¡Panshaen toesu manámeñi amba gi tsangaeyi chi'ga'fa!