Éxodo 16:14 - Cofán: Chiga Tevaen'jen

¹⁴ Tsa'caen bo'cho samba'ta tsu ta'e'choccoe ishopa pa'cco a'i menianga sheque.

Éxodo 16:14 Referans Kwoze

Salmos 105:40

Israendeccu anqque'suve iñajansi yayapa chivi'rima moe. Toya'caen sefacconi'su panma tise'pa ttepputsse shequian moe.

Salmos 78:24

unjin tuiqquia'caen panma shequian moe. Tsa manáma moe cuintsu tise aindeccu an'faye.

Deuteronomio 8:3

Tsa'caen in'jamba tise'pama qquipoe'sian vanae'an'qque tsu omboe manáma o'fian. Nane que'i ni que'i tayopisundeccu'ye tsa manáma atesu'fambisi Na'su Chigaja tsama o'fian cuintsu que'i qquen in'jamba canse'faye: jo'su panmeñi amba canse'faya'bipa Chiga Aya'fa'qque in'jaensi tsu a'ija ñoa'me canse'faya.

Éxodo 16:31

Israendeccuja tise'pa taipa an'jen'choma manáme qquen inisian'fa. Tsata tsu tototssi, chipiri culantro choa'can'cho'cco. Nane cuñajun'choa'caen ansintssi tsu.