Éxodo 12:33 - Cofán: Chiga Tevaen'jen

³³ Egiptondeccuja cunshoa'me israendeccuma manda'fa cuintsu tise'pa ande'ye junde sombopa ja'faye. Nane poiyi'cco tsa'caen paye tson'jen'fa qquen in'jamba tsa'caen manda'fa.

Éxodo 12:33 Referans Kwoze

Salmos 105:38

Egiptondeccuja israendeccuma dyopa avujatsse tise'pama can moe'fa.

Éxodo 11:1

Tsa'ma toya sombo'fambi'te Na'su Chigaja Moisésnga qquen su: —Ccase gi faesu paqque'suma faraónga toya'caen poiyi'cco egiptondeccunga moeña. Tsa'caen tsonsi faraónjan que'i tisupatsse jaye anttembi'ma tise'yi tsu que'ima va ande'ye tteya moeña.

Génesis 20:3

Tsa'ma tsa'caen tsomba cosesi Abimelecja anamba ayo'o. Ayo'osi Chiga tisenga attiamba su: “Queja paye qui tson'jen. Nane que i'cho pushesuja faesumbe pushe tsu.”

Éxodo 6:1

Tsama pañamba Na'su Chigaja su: —Ja'ño qui atteya ña faraónga tsoña'choma. Nane jo'su vanae'choi'ccuyi tsu antteya cuintsu que'i tise ande'ye sombo'faye. Toya'caen tsa'caen vanamba tsu tise'yi que'ima tteya moeña.

Éxodo 10:7

Tsonsi faraónma shondosundeccuja faraónga qquen su'fa: —¿Mi'nge'e qui tsa a'i'ccu iyiccopani canseye in'jan? Antteja, Ti'tsse'tssia, cuintsu tise aindeccui'ccu japa Na'su tise'pa Chigama iñajan'faye. Ti'tsse'tssia, ¿injiengembitssi ti qui pa'cco egiptoni jincho'cho dañongepa sefaji'ni'qque?

Éxodo 12:39

Egiptondeccu cunshoa'me mandasi sombopa japa toya anqque'suma aquiambe'yi ja'fa. Tsa'camba tse'ttinga nepipa tise'pa egiptone i'cho toya cunama pan cupana'cco me'choave matssan'fa.

Isaías 52:12

Tsa'ma dyopa cunshoa'me butto sombo'faya'bi qui. Nane Na'su, Israel Chiga tsu poifanga que'ima ñotsse coirapa angacaña.

Daniel 3:22

Nane na'su tise mandaqquia'caen jundeyi tson'faye manda'chosi sundarondeccuja tsa'caen tsoñe tsa tres dusungandeccuma indipa si'ngenga ttova ca'niañe jasi si'ngeja quian'me anchanda'jepa tise'panga nepisi ju'rupa pa'fa.