Éxodo 12:3 - Cofán: Chiga Tevaen'jen

³ Poiyi'cco israendeccuma ttu'sepa qquen condaja: ‘Va ccovu'su diez a'tangae tsu poiyi'cco que'i tisupa tsa'o'sui'ccu oveja du'shuma tsambi'ta chivo du'shuma indiya'cho.

Éxodo 12:3 Referans Kwoze

1 Corinto'su 5:7

Tsa'cansi tssoru cupana'ccoma catiqquia'caen pa'cco egae tsincon'choma cati'faja cuintsu que'i pa'cco ñotssi'faye. Nane Cristoja Chigama ñoquiañe ingine pa. Papa ingi Chiganga afe'cho ovejave dasi gi ñoa'me tayo ñotssi'fa, pan cupana'cco mechoa'caen.

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Juan 12:12

Ccaqui a'ta tsain'bio fiestani ji'fa'chondeccuja Jesús Jerusaléni jiña'chove paña'fa.

Juan 1:36

Jesús tse'fae jayisi Juanjan tisema attepa inginga su: —Que canjan: Tsa a'ija Chiganga afe'cho oveja tsu.

Éxodo 12:6

Indipa tsu coirapa an'biaña'cho cuatro a'tave. Tsequi a'ta sime tsu poiyi'cco israendeccu tise'pa indipa an'bian'choma fi'tti'faya'cho.

Éxodo 4:30

Aarónjan pa'cco ma'caen Na'su Chiga Moisésnga su'choma condase. Toya'caen tsu osha'cho Chiga mandasi canjaen'choma a'inga canjaen'fa.

Génesis 22:8

Iñajampañasi Abrahamjan su: —Jaricho, Chiga Quitsa tsu ovejama afeya cuintsu ingi tsama oquepa tisenga afeya. Tsa'caen supa fae'ngae ja'fa.

Génesis 4:4

Toya'caen Abelja tseyi isu'cho oveja du'shuma fi'ttipa yayapatssi nama ipa afe.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Josué 7:14

Tsa'camba tsu tu'ija poi israendeccu'su aindeccu ñanga canjaen'faya'cho. Majan aindeccu'suma ña canjaensi tsendeccu tsu tise'pa biacca antiandeccui'ccu ñanga canjaen'faya'cho. Biacca antiandeccui'ccu canjaen'fasi ña majan antiandeccu'suma canjaensi tsendeccu tsu tisupa antiandeccui'ccu ñanga canjaen'faya'cho. Tsendeccu canjaensi majan'suma ña canjaensi tsendeccu'su tsu poi tsandie fae'cco fae'cco ñanga canjaeña'cho.

Éxodo 20:19

Tsomba Moisésma su'fa: —Afaja que, ingi quema pañañe. Tsambi'pa Chigayi inginga afa'ninda gi dyo pa'faya.

Éxodo 14:15

Tsonsi Na'su Chigaja Moisésnga su: —¿Jongoesie qui ña fuiteya'chove iñajan? Mandaja cuintsu poiyi'cco israendeccu quema o'tie ja'faye.

Juan 12:1

Toya seis a'ta shacasi Chiga panshaen'cho injienge'cho a'ta napimbi'te ingija Jesúsi'ccu ja'fa Betaniani, Lázaro pasi Jesús ccase qquendyaen'cho canseni.

Éxodo 12:2

“Va ccovu tsu que'ineja me'ttia'ye ashaen'cho ccovu. Vai'ccu qui canqque'fave agatto'faya.

Éxodo 12:4

Fae tsa'o'su re'riccopa pa'cco ovejama añe oshambi'ta tsu faesu tsa'o'sui'ccu fae'ngae bopa an'faya'cho. Nane a'ima agattopa tisupa ma'caen añe in'janqquia'caen tsu attufaeña'cho.

Éxodo 12:21

Tsa'caen pañamba Moisésja israe'su coenzandeccuma ttu'se boñamba su: “Japa que'i ettisundeccumbe oveja tsambi'ta chivoma indipa fi'tti'faja Chiga panshan'cho a'tama panshaeñe.