Biblia Todo Logo
Bib sou entènèt

- Piblisite -




Éxodo 12:29 - Cofán: Chiga Tevaen'jen

29 Tsomba tse'i enttinge cose Na'su Chigaja egiptosundeccu aisheve isu'chondeccuma fitti'tti. Nane faraón, na'su dyaipa'chonga dyai'sumbe dutssi'ye coenza toya'caen indiyepa can'jen'chombe dutssi'ye coenza tsu fae'ngae pa'fa. Toya'caen tsu tise'pa aiña'cho aisheve isu'chondeccu'qque pa'cco pa'fa.

Gade chapit la Kopi




Éxodo 12:29
27 Referans Kwoze  

Tsa paqque'sui'ccu poiyi'cco Egipto'su aisheve isuye'chondeccuma fi'tti. Nane Egipto aindeccu'su in'jan'cho dusungandeccuma sefaen.


Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’


Tsomba teta'choma sefaenqquia'caen a'i aisheve isu'chondeccuma'qque pporaemba poiyi'cco Egipto'su dutssi'ye coenzama fitti'tti.


Tsequi cose gi pa'cco Egipto andengae panshamba poiyi'cco egipto'su aisheve isu'cho tsandiendeccuma toya'caen tise'pa aiña'cho aisheve isu'chondeccuma'qque fitti'ttiya. Tsa'caen gi poi Egiptombe chigandeccuma patsuya. Ña Na'su Chiga gi tsa'caen su.


Egiptosundeccu israendeccu somboye se'pisi Chigaja iyicca'yepa tisema sefacconi'su shondo'suma manda cuintsu poiyi'cco Egipto'su aisheve isu'cho tsandiendeccuma fi'ttiye. Tsa'caen mandasi Moisésja pañamba israendeccuma manda cuintsu ovejama fi'ttipa anjampai'ccu tise'pa tsa'o sombo'ttima onjoeñe sefacconi'su shondo'su tsama attepa fi'ttimbe'yi panshañe fae israe'su tsandie pa'fasa'ne.


Nane poiyi'cco Chigave in'jamba ttuseye'chondeccu tsu Tise a'ive dapa tseni can'jen'fa. Injama'choma somboen'su Chiga Quitsanga qui catse'fa. Poiyi'cco majan ñotssisi Chigaja tise'pama nanitsse ñotsse tsomba ccase qquendyaen. Que'i'qque qui tsendeccunga catse'fa tise'pai'ccu ca'niñe.


aindeccuja o'fa'ye qquitssapa tisema somboen'fa. Chango'ye sombopa Jeremíasja sundarondeccumbe atandunduni can'jen.


Tsonsi Jeremíasma indipa na'su dutssi'ye Malquías tsa'ccuma boña'jen'chonga o'fai'ccu andian cati'fa. Tsa'ccu tayo sambasi aqquia tssipaccungayi andian cati'fa. Tsa boña'jen'cho chango tsu na'sumbe sundarondeccu atandunduni jincho.


Ccaqui a'ta Na'su Chiga tise suqquia'caen tsonsi pa'cco egipto'su aiña'cho pa'fa. Tsa'ma israendeccumbeja ni fae'ccoyi'qque pambitssi.


japa Na'su Chiga Moisés toya'caen Aarónga mandaqquia'caen tson'fa.


Anttembe'yi Chigaja tise iyicca'ye'choma canjaen. Tise'pa paye se'pimbipa vanamba paqque'suma moe tise'pama fi'ttiye.


Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.


Tsa'ma toya sombo'fambi'te Na'su Chigaja Moisésnga qquen su: —Ccase gi faesu paqque'suma faraónga toya'caen poiyi'cco egiptondeccunga moeña. Tsa'caen tsonsi faraónjan que'i tisupatsse jaye anttembi'ma tise'yi tsu que'ima va ande'ye tteya moeña.


Swiv nou:

Piblisite


Piblisite