Éxodo 12:13 - Cofán: Chiga Tevaen'jen

¹³ “ ‘Tsa anjampata tsu canjaeña que'i ma'tti can'jen'chove ña atesuye. Tsa'caen tson'fasi gi egiptondeccuma fittitti'jepa tsa anjampama atte'ta tse'ttima panshaña. Tsa'cansi qui fae'ccoyi'qque que'i'suja pa'faya'bi.

Éxodo 12:13 Referans Kwoze

Hebreo'su 11:28

Egiptosundeccu israendeccu somboye se'pisi Chigaja iyicca'yepa tisema sefacconi'su shondo'suma manda cuintsu poiyi'cco Egipto'su aisheve isu'cho tsandiendeccuma fi'ttiye. Tsa'caen mandasi Moisésja pañamba israendeccuma manda cuintsu ovejama fi'ttipa anjampai'ccu tise'pa tsa'o sombo'ttima onjoeñe sefacconi'su shondo'su tsama attepa fi'ttimbe'yi panshañe fae israe'su tsandie pa'fasa'ne.

Éxodo 12:23

Tsa'caen tson'fasi tsu Na'su Chigaja egiptondecuma fittitti'jepa sombo'tti'su utufa toya'caen ombafa'fa'su onjoen'choma atte'ta tsa ettima anttepa panshaña. Tsayita tsu Na'su Chigaja se'piya tsa fi'tti'su que'i tsa'onga ca'nisa'ne.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Génesis 17:11

Nane shondusu'cho tsutopa'su ttonoma tsu chattuya'cho ña que'i'ccu injancco'fa'choma canjaeñe.

1 Tesalónica'su 1:10

Toya'caen tsu conda'fa ma'caen que'i Chiga Dutssi'ye Jesús sefaccone jiya'chove ronda'je'choma. Chiga Quitsaja pa'cho'ye tsama ccase qquendyaen. Tsa'caen qquendyaensi tsu Chiga ingima iyicca'yepa catiya'cho'ye ccushaen.

Josué 2:12

Tsa'cansi chigáne Na'su Chiga caña'jen'ni ñanga tansintsse su'faja ña que'ima ñotsse tsonqquia'caen ccane'qque que'ija ingima ñotsse tsomba ña antiandeccuma ccushaeña'chove. ¡Tansintsse canjaen'chove ñanga canjaen'faja,

Éxodo 12:11

Toya'caen que'i ondiccu'jema ondiccupa que'i sapatoma ejiamba que'i accuicco'choma isupa tsu tsa aña'choma favatsse aña'cho. Nane tsa tsu Chiga fi'ttimbe panshan'cho cose.

Éxodo 12:7

Tsa'caen fi'ttipa tsu tsa'su anjampai'ccu tisupa an'cho'su tsa'ombe sombo'tti'su utufa toya'caen ombafa'fama'qque onjoeña'cho.