Éxodo 11:4 - Cofán: Chiga Tevaen'jen

⁴ Tsa'caen su'chosi Moisésja faraónga su: —Na'su Chigaja qquen tsu quema su: ‘Enttinge cose gi pa'cco Egipto andengae panshaña.

Éxodo 11:4 Referans Kwoze

Éxodo 12:29

Tsomba tse'i enttinge cose Na'su Chigaja egiptosundeccu aisheve isu'chondeccuma fitti'tti. Nane faraón, na'su dyaipa'chonga dyai'sumbe dutssi'ye coenza toya'caen indiyepa can'jen'chombe dutssi'ye coenza tsu fae'ngae pa'fa. Toya'caen tsu tise'pa aiña'cho aisheve isu'chondeccu'qque pa'cco pa'fa.

Éxodo 12:12

Tsequi cose gi pa'cco Egipto andengae panshamba poiyi'cco egipto'su aisheve isu'cho tsandiendeccuma toya'caen tise'pa aiña'cho aisheve isu'chondeccuma'qque fitti'ttiya. Tsa'caen gi poi Egiptombe chigandeccuma patsuya. Ña Na'su Chiga gi tsa'caen su.

Mateo 25:6

Ana'jensi ñoa'me enttinge cose cca'ija fundo: “¡Pusheya'cho tsandie tsu jiña! Japa cachui'faja.”

Éxodo 12:23

Tsa'caen tson'fasi tsu Na'su Chigaja egiptondecuma fittitti'jepa sombo'tti'su utufa toya'caen ombafa'fa'su onjoen'choma atte'ta tsa ettima anttepa panshaña. Tsayita tsu Na'su Chigaja se'piya tsa fi'tti'su que'i tsa'onga ca'nisa'ne.