Éxodo 11:2 - Cofán: Chiga Tevaen'jen

² Tsa'ma ja'ño israendeccuma mandaja tsandiendeccu, pushesundeccu'qque cuintsu tise'pai'ccu pporotsse canjen'su tsandiendeccuma toya'caen pushesundeccuma'qque cori, totoacorima ñoña'choma iñajan'faye.

Éxodo 11:2 Referans Kwoze

Éxodo 3:22

Nane poi pushesundeccu tsu tise'pai'ccu pporotsse canjen'su toya'caen tise'pai'ccu fae'ngae canjen'suma'qque osha'chove iñajan'faya: corima ñoña'cho, totoacorima ñoña'cho toya'caen ondiccuqque'su sarupave'qque. Tsai'ccu qui que'i dushundeccuma ondiqquian'faya. Tsa'caen tsomba qui egiptondeccuma me'ccoe cati ja'faya.

Mateo 20:15

Corifin'dija ñambesi ¿oshambi ti gi ña in'janqquia'caen tsama afeye? Tsambi'ta ña ñotsse afesi ¿aqquia ti qui injama'choni cca'ima se'pi?”

Salmos 105:37

Tse'i Chigaja tise aindeccuma Egipto'ye somboen. Nane injan'tsse cori, totoacorima'qque andupa dyombi'tsse quin'sui'ccu sombo'fa.

Salmos 24:1

Pa'cco ande tsu Na'su Chigambe. Osha'cho tseni jincho'cho'qque tsu tise'be. Toya'caen poiyi'cco tseni can'jensundeccu tise'be tsu.

Éxodo 32:24

Tsonsi gi ñajan su: ‘Majan corima an'bian'da afe'faja.’ Tise'pa corima afesi gi si'ngenga catisi tsu va vaura du'shuve sombo.

Génesis 31:9

Tsa'caen tsu Chiga Quitsa tise'be'suma ñanga afe.

Génesis 24:53

Afa nanimba osha'cho ñotssia cori, totoacorima ñoñajan'choma, pushesu ondiccuqque'suma'qque somboemba Rebecanga afe. Toya'caen tise quindyanga, tise mamanga'qque osha'cho ñotssiama afe'je.

Éxodo 3:21

Toya'caen gi egiptondeccunga tsoña cuintsu israendeccu sombo'je'ninda ñotsse camba moe'faye. Tsa'caen camba moesi tsu me'cco jambe'yi osha'choma anga'faya.