Éxodo 10:3 - Cofán: Chiga Tevaen'jen

³ Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 10:3 Referans Kwoze

1 Pedro 5:6

Chigaja osha'choma oshacho Tise tivei'ccu. Tsa'cansi opatssi'faja cuintsu Tise in'jamba jai'ngae que'ima ti'tsse'tssia've tsoñe.

Santiago 4:10

Na'su Chiga caña'jen'nijan tisuma ansange'faja. Tsa'caen tsonsi Na'suja que'ima ccushaemba ti'tsse'tssia've tsoña.

Hebreo'su 12:25

Chiga Jesucristoi'ccu que'inga afa'choma ñotsse paña'faja. Chigaja tayopi'su a'inga Moisési'ccu condasesi paña'ma chi'ga'fa. Tise'pa tsa'caen aqquia a'i'ccu su'choma chi'gapa catiye'nijan ¿ma'caen qui que'ija Jesucristo su'choma chi'ga'ta ccusha'faya?

Romanos 2:4

¿Ñotsse in'jan'fambi ti qui Chiga que'ine osha'cho ñotsse tson'choma? ¿Ni in'jan'fambi ti qui ma'caen Tise opatsse iyu'umbe'yi que'ive ronda'je'choma? ¿In'jambi ti qui Tise que'ima ñotsse tson'jen'choma que'i tisu egae tsincon'choma chi'gapa Tisenga ji'faye?

Isaías 1:5

Tsain'bitsse qui vana'jen'fa egae tsincon'chove tsoñe in'jamba. ¿Ma'caen gi que'ima ti'tsse vanaeña? Nane que'i ñoa'me quin'su me'chosi que'i tsove'qque pa'cco iñacca'chosi que'i ai'vo'qque manima ti'tsse iñaccaeña'chove me'i'on.

Job 42:6

ña egae in'jan'choma catipa tisuma'qque chi'gapa cusepa ccuttopa'singa onjomba dyai ña ñombi'ye'choma canjaeñe.

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

Números 14:27

—¿Mi'nge'e gi va ega Israel aya'fanasindeccui'ccu vana'jeña? Tayo gi paña tise'pa ñama egae afa'je'choma.

Éxodo 16:28

Tsonsi Na'su Chigaja Moisésnga su: —¿Mi'nge'e'qque qui ña atesian'choma pañambiqquia'caen ña manda'choma tson'fambi?

Éxodo 9:17

Tsa'camba qui tsa'caen tson'ni'qque toya sepi'je ña aindeccuma moeñe.

Éxodo 4:23

Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’

Éxodo 10:4

Nane que tise'pama moeñe ti'tsse sepi'je'ninda gi tu'ija pa'cco que andenga ttombuma moeña.

2 Reyes 22:19

injama'choni tsama in'jamba ñombi'ye'sui'ccu ñama iñajansi gi quema paña. Nane ña va aindeccu, va canqquema'qque chi'gapa ñoa'me vanaemba sefaeña qquen su'choma pañamba ñombi'yepa tsa'caen canjaeñe que ondiccu'jema chittapa ina'jensi gi quema paña. Tsa'cansi ña Na'su gi quema paña.

Daniel 5:22

Ja'ño Ti'tsse'tssia Belsasar, ma'caen tise da'choma atesu'chopa tsambe dutssi'ye'qque qui ni ñoquimbi'ccoe canjeñe in'jambi.

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’