Éxodo 10:26 - Cofán: Chiga Tevaen'jen

²⁶ Toya'caen pa'cco ingi aiña'cho ingi'ccu tsu jaya'cho. Ni fae'ccoyi'qque tsu vani catiyeya'bi. Nane tsendeccu'suma gi indipa oque oraen'jen'faya'cho Na'su Chigama iñajañe. Toya tseni jambipa gi jongoesuma Na'su Chiganga afeya'chove atesu'fambi.

Éxodo 10:26 Referans Kwoze

Hebreo'su 11:8

Tsa'caeñi Abraham'qque Chigave in'jamba ñotsse pañasi Chigaja tisema ttu'sepa biani faesu andenga mandamaña. Tseni tisu andeve isupa an'biaña'chone conda. Mandamañasi Abrahamjan tise aindeccuma catipa ja. Tsa'ma tisu mani japa andeve isuya'choma atesumbe'yi ja.

2 Corinto'su 8:5

Toya'caen tsa'caen in'jamba tsu ingi asi'ttaen'choma ti'tsse tsomba Chiga in'janqquia'caen tisuma'qque Na'su Jesúsnga afe'fa. Nane tsa'caen Na'sunga afepa tisuma inginga'qque afe'fa ingi mandasi tsoñe.

Proverbios 3:9

Que corifin'di'ccu Na'suma ñotsse tson'jemba que tai'cho'su o'tie isu'choma'qque tisenga afeya'cho.

Éxodo 12:32

Toya'caen que'i oveja, que'i vaurama'qque que'i in'janqquia'caen angapa ja'faja. Japa ñane'qque Chigama iñajan'faja.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 10:25

Tsa'ma Moisésja su: —Isha, tsa'ma que'qque que'i aiña'choma inginga afeya'cho cuintsu tsama ingi oque oraemba Na'su ingi Chiganga afeye.

Éxodo 8:27

Tsa'cansi tsu tres a'ta pa'cco a'i menia japa tseni fi'ttipa oque oraemba ingi Na'su Chiganga afeya'cho tise suqquia'caen.