Éxodo 10:19 - Cofán: Chiga Tevaen'jen

¹⁹ Iñajansi pañamba Na'su Chigaja chiga amppi'jeni'su fingiama moesi quian'me jipa pa'cco ttombuma Cu'a marnga maña. Ni fae ttombuyi'qque Egipto andeni catiyembi.

Éxodo 10:19 Referans Kwoze

Hebreo'su 11:29

Tsa'caen panshansi sombopa jayipa israendeccuja santsseyi Cu'amar na'ema isé panshan'fa. Nane Chiga tsa'caen na'en enttingema tise'pa jaya'quive samboensi Chigave in'jamba santsseyi panshan'fa. Tsa'ma Egipto'su sundarondeccu tsendeccuma mandiamba tsa'caen iseye tson'jen'fasi marja toequi jipa tise'pama andeccoensi pa'fa.

Éxodo 13:18

Tsa'caen in'jamba ccaru'ye a'i menia'su tsaiqui'ye angapa Cu'a marni nepian. Israendeccuja Egipto'ye sombopa osha'cho iyiccoqque'sui'ccu sundaroacan'tsse bopa ja'fa.

Éxodo 10:18

Tsa'caen susi Moisésja faraón tsa'o'ye sombopa japa Na'su Chigama iñajan.

Éxodo 10:20

Tsa'ma Na'su Chiga faraónma in'jaensi iyicca'yepa se'pipa israendeccu jaya'chove anttembi.

Salmos 109:23

Coeje'su aya bia'ave dapa sefaqquia'caen gi nepiji. Ttombu fingianga fingian catiyeqquia'caen gi catiyeji.