Éxodo 1:20 - Cofán: Chiga Tevaen'jen

^20-21 Tsa'caen antte'je'fasi israendeccuja ti'tsse atapa'ñaccapa ti'tsse osha'choma oshacho'fa. Toya'caen isiansundeccu dyoe'sui'ccu Chiga Quitsama in'jansi Chigaja tise'pama ñotsse tsoñe in'jamba antte cuintsu tise'pa'qque tsain'bio du'shuve atapa'faye.

Éxodo 1:20 Referans Kwoze

Hebreo'su 6:10

Nane Chiga Quitsaja egambi tsu. Aqque'paya'bi tsu que'i Tise've in'jamba cca'ima fuite'je'choma. Que'ija tayo Tise aindeccuma in'jamba fuitepa toya qui tsa'caen tson'jen'fa.

Lucas 1:50

Poiyi'cco majan Tise've in'jamba canse'nijan tsendeccuma tsu mendeyeya.

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

Mateo 10:42

Majan ñama shondosundeccu du'shuaca'on joccapitssiambi tsu. Tsa'ma majan a'i “Tsendeccu Jesúsve in'jan'fa” qquen in'jamba cha'ndia tsa'ccuma cui'ña'da tise'qque Chigane ñotsse tsu isu'faya.

Salmos 103:11

Nane sefacco pa'cco andema piccoqquia'caen tiseja tise've in'jamba pañasundeccuma tsa'caen ñoa'me in'jan.

Éxodo 1:12

Tsa'ma tsa'caen vanae'fa'ni'qque ti'tsse atapaji'fa. Atapaji'fasi poiyi'cco egiptondeccuja ñoa'me dyo'fa.

Éxodo 1:7

Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

Éxodo 1:19

Tsonsi tsendeccuja qquen su'fa: —Hebreo'su pushesuja egipto'su pushesua'can'fambi. Nane ñoa'me quiñamba ingi toya nepimbi'te ai'yembe isu'je'fa.