Éxodo 1:12 - Cofán: Chiga Tevaen'jen

¹² Tsa'ma tsa'caen vanae'fa'ni'qque ti'tsse atapaji'fa. Atapaji'fasi poiyi'cco egiptondeccuja ñoa'me dyo'fa.

Éxodo 1:12 Referans Kwoze

Salmos 105:24

Can'jensi Chigaja tise aindeccuma atapoemba injan'tssia've tsomba Egiptondeccuma ti'tsse quin'anme tson.

Éxodo 1:9

“Que can'faja, va Israel aindeccuja tsain'bitssipa ingima ti'tsse osha'choma oshacho'fa.

Romanos 8:28

Atesu'fa gi ma'caen Chiga tayo in'jamba majan a'ima ttu'se'choma cuintsu Tise in'jan'chondeccuve da'faye. Tsendeccu Chigama ñotsse in'jansi Chigaja osha'cho ñotssiama tise'panga antte.

Juan 12:19

Tsonsi Fariseondeccuja tisupaporai'ccu qquen condasecco'fa: —Que canjan. ¿Ma'caen gi tson'faya? Nane poiyi'cco a'i tsu tisema shondocan'fa.

Éxodo 1:7

Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

Éxodo 1:20

Tsa'caen antte'je'fasi israendeccuja ti'tsse atapa'ñaccapa ti'tsse osha'choma oshacho'fa. Toya'caen isiansundeccu dyoe'sui'ccu Chiga Quitsama in'jansi Chigaja tise'pama ñotsse tsoñe in'jamba antte cuintsu tise'pa'qque tsain'bio du'shuve atapa'faye.

Génesis 46:3

Tsa'caen susi Chigaja su: —Ña gi Chiga Quitsa, que yaya'yembe Chiga. Dyombe'yi Egiptoni jaja. Nane tseni gi que omba'su dushundeccuve tsain'bitsse atapoeña.

Números 22:3

Toya'caen Moab aindeccuja ñoa'me dyo'fa israendeccu tsain'bitssi'fasi attepa.