Esdras 1:3 - Cofán: Chiga Tevaen'jen

³ Ñama tsa'caen mandasi gi in'jan cuintsu poiyi'cco a'i majan Na'su Chigave in'jan'chondeccu Judá ande'su Jerusaléni japa Na'su Chiga tsa'ove tsao'ña'faye. Nane Chiga que'ima fuitesi japa Na'su Israel Chigambe tsa'ove tsao'ña'faja Na'su can'jen'cho Jerusalén canqqueni.

Esdras 1:3 Referans Kwoze

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Tson'fa'cho 10:36

Chiga Quitsa tsu israendeccunga conda va ñotsse condase'choma ma'caen Jesucristoja a'i injama'choma ñoquian'suve. Tsa Jesúsyi tsu poiyi'ccombe na'su.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Daniel 2:47

Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

1 Reyes 8:23

quian'me su: “Na'su israe'su Chiga: Ni sefacconi ni andeni tsu faesu chiga quia'can'me me'i'on. Queja injancco'fa'chove afapa que suqquia'caen tson. Toya'caen qui que ñotsse injan'choma canjaen poiyi'cconga majan pa'cco injama'choi'ccu quema pañamba shondo'fasi.

1 Reyes 18:39

Tsama attepa poiyi'cco a'i camba'jui'ccu andenga puntssamba su'fa: “¡Na'suja ñoa'me Chiga tsu! ¡Na'suja ñoa'me Chiga tsu!”

Esdras 1:4

Toya'caen gi manda cuintsu majan jayimbindeqquiaja tsaoña'su jayisundeccuma fuite'faye; nane cori, totoacori, osha'cho tise'pa canseqque'suma, aiña'choma'qque afe'faya'cho. Toya'caen tsu ma'caen osha'ta osha'choma fuite'faya'cho cuintsu Chiga ettima ñotsse tsao'ña'faye.”