Daniel 4:3 - Cofán: Chiga Tevaen'jen

³ Ñoa'me ñocca'tssi tsu tise in'jamba canjaen'cho. Tise manda'je'choja tsangae tsu jinchoya. Toya'caen tise oshacho'choma'qque tsu tsangae canjaen'jen'ña.

Daniel 4:3 Referans Kwoze

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Hebreo'su 1:8

Tsa'ma Dutssi'yene tsu Chigaja qquen su: Que qui Chiga. Tsangae joccapitssia na'suve dapa qui manda'je. Quini'ccopave dapa qui ñotsse tansintsse manda'je.

1 Timoteoga 1:17

Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

1 Pedro 4:11

Chiga majan que'ima candusiañe in'jaen'ninda Chiga candusianqquia'caen tsu candusian'faya'cho. Majan fuite'ta Chiga oshaensi tsu fuite'faya'cho. Tsa'caen qui que'ija Jesucristo aindeccupa osha'cho tson'choi'ccu Chigaja ti'tsse'tssia've canjaen'faya'cho. Tiseja tsangae ti'tsse'tssiapa tsangae osha'choma oshacho. Tsangaeyi.

Hebreo'su 2:4

Tsa'caen canjaeñe, Chiga tise'pama fuitesi, sefacconi'su canjaen'choma, ccushaen'choma, agattoen'choma'qque canjaensi a'ija can'boemba in'jan'fa. Toya'caen ma'caen Chigaja in'jamba Tise Qquendya'pai'ccu Tisema in'jan'chondeccuma in'jaen. Nane ma'caen in'jaen'nijan Chiga tson'chove tson'fa tansintsse condase'chove canjaeñe.

Salmos 105:27

Moesi jipa Chiga agattoen'choma Cam andeni tson'fa. Nane tseni'su aindeccunga ti'tsse'tssia canjaen'choma canjaen'fa.

Daniel 4:17

Tsa pa'cco tsu ño'an sefacconi'su shondosundeccu canjaen'cho cuintsu poi aindeccu qquen in'jan'faye: Ti'tsse joccapitssia Chiga tsu pa'cco va ande'su nasundeccuma ma'caen tsoñe oshacho. Toya'caen tise tsu majama na'suve tsoñe in'jan'da tsama na'suve tson. Nane tise tsu utu'ccoa'ma in'jan'da tsama poi ande na'suve tson.

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Romanos 11:33

Chigaja ñoa'me'qque osha'choma an'bian. Ñoa'me pa'tssima atesucho. Tiseja ñoa'me osha'chove in'jan'cho. Atesu'fambi gi Tise asi'ttaemba in'jan'choma. Ni Tise in'jamba tsoña'choma gi atesu'fambi.

Daniel 2:2

Tsa'camba manda cuintsu injama'pandeqquia, mágiccondeccu, jai'ngae daya'choma atesu'chondeccuma, coragandeccuma toya'caen atesu'chondeccuma ttu'senga'fasi jipa tise jongoesune ayo'o'choma conda'faye. Tsendeccu jipa tisenga ccutsusi