Daniel 3:7 - Cofán: Chiga Tevaen'jen

⁷ Tsa'caen su'chosi, poiyi'cco a'i bo'cho osha'cho jenqque'suma jeñasi pañamba ccaru dyaipa tsa corima ñoña'chonga iñajan'fa.

Daniel 3:7 Referans Kwoze

Canjaen'cho 19:20

Geraenccopa dyo'ccoa cocoyama patsupa indi'fa. Tisene afopoen'suma'qque indi'fa. Tsaja dyo'ccoa cocoyai'ccu fae'ngae jacamba afopa'cho canjaen'chove canjaen'su tsu. Tsa'caen afopa'cho canjaen'choi'ccu tsu cocoya inise tevaen'choi'ccu tevaengesundeccuma qqueña. Toya'caen ñoña'cho cocoyama iñajansundeccuma'qque tsu qqueña. Dyo'ccoa cocoyama, tisene afopoen'suma'qque indipa toya canseveyi si'nge singu'ccunga ttova moen'fa. Tsa singu'ccuja asufrei'ccu juru'je.

Canjaen'cho 17:8

Tsa que atte'cho cocoyaja tayoe tsu canse. Ja'ñojan me'i'on. Toya'caen ccase tsu ande tsosini'su chango'ye sombopa jiya. Jipa tise tsangae paya'chonga tsu jaya. Poiyi'cco va andeni can'jensundeccu, majan tise'pa inisema Chigambe Canseya'chondeccu Tevaen'jenga tevaengembi'ta tsa cocoyama can'boemba tsu asi'ttaen'faya. Nane toya andeve meinte Chigaja tsangae canseya'chondeccuma tsa tevaen'jenga tevaen. Tsa'ma va tevaengembindeccuja tsa tayoe cansepa, ja'ño me'i'a'ñe, ccase jiya'cho cocoyama attepa can'boemba asi'ttaen'faya.

Canjaen'cho 13:14

Otien'su cocoya tsa'caen anttepa caña'jensi tsu omba'su cocoyaja agattoen'chove canjaemba aindeccuma afopoen. Afopoemba manda cuintsu ñoña'cho cocoyave ñoñamba ccutsiañe. Nane sundaro matichi'ccu iñaccapa toya canse'cho cocoya'ca'en tsu ñoña'cho cocoyave ñoña'fa cuintsu tsama'qque aindeccu iñajan'faye.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Canjaen'cho 13:3

Tsa dyo'ccoa cocoyaja fae tsove iñaccapa tayo pa'chove attian. Tsa'ma iñacca'cho tayo ccushasi poi ande'su aindeccu bo'yo'e dapa can'boen'fa. Can'boemba Chigave in'janqquia'caen dyo'ccoa cocoyama in'jan'fa.

Canjaen'cho 12:9

Tsa'caen tsa rande canjansi, tsa cocoya na'su, Satana, qquen inisecho'cho, andenga catiyesi tisema shondosundeccu'qque andenga catiye'fa. Nane canjansi tsu tayopi'su iyo'ca'en a'ima qqueña'su. Toya tsu can'jen poiyi'ccoma qqueñañe.

1 Juan 5:19

Atesu'fa gi ingija Chigambe'fa gi. Tsa'ma egae tsincon'su na'suja pa'cco ande'su a'ima manda'je.

Tson'fa'cho 14:16

Tayoe tsu Chigaja aindeccuma antte cuintsu tisupa injama'cho in'janqquia'caen canse'faye.

Daniel 2:46

Tsa'caen susi na'su Nabucodonosorja Daniel cambajufanga tsutta'choi'ccu ccaru dyaipa andenga puntssamba manda cuintsu chiganga afeqquia'caen Danielnga afe'faye. Toya'caen tsu manda ñome'bama'qque tisenga oque oraen'faye.

Daniel 3:4

Tsa'caen bo'fasi tsu bo'chonga afa'suve manda'choja quian'me afapa qquen su: “Paña'faja, poi canqque'su aindeccu toya'caen faesu aya'fangae afa'je'chondeccu'qque:

Daniel 3:5

Ja'ño tsonjen'cho, bifano, fororo'cco, fendo'cco ugafin'di toya'caen osha'cho jeñaqque'suma jeñasi paña'da poiyi'cco tsu na'su Nabucodonosor mandasi a'ia'can'me ñoña'chonga ccaru dyaipa puntssamba tsanga iñajaña'cho.

Daniel 3:6

Poiyi'cco majan tsa ñoña'chonga ccarupa tsanga iñajambi'ta tsu jundeyi osha'choma oque'jeye ñoñaccu'su si'nge anchanda'je'chonga ttova caniange'faya'cho.”

Daniel 3:8

Tsa'ma majan nasundeccuja na'su Nabucodonosornga japa judá'su aindeccu tsu shacaen qquen supa

Daniel 3:10

Que ti'tsse'tssia manda'cho tsu qquen: Poiyi'cco bo'cho tsu osha'cho jenqque'suma jeña'fasi paña'da junde ccaru dyaipa tsa ñoña'chonga iñajaña'cho.