Daniel 3:2 - Cofán: Chiga Tevaen'jen

² Tsama nani'fasi tsu manda cuintsu poiyi'cco tsa ande'su nasundeccuma ttu'se'fasi jipa tsama nani'chone fiestaen'faye. Nane gobernadorndeccu, sundaro nasundeccu, provincia'su gobernadorndeccu, mandasi jacansundeccu, tesorerondeccu, ñoquiansundeccu, presidentendeccu, toya'caen poiyi'cco tsa provincia'su nasundeccuma tsu ttu'se cuintsu jipa tise a'ia'can'me ñoñañe mandasi ñoñamba nani'chone fiestaen'faye.

Daniel 3:2 Referans Kwoze

Daniel 3:27

poiyi'cco nasundeccu tse'tti bojin sheque'chondeccu tsendeccunga catse'fa. Catsepa can'fanijan ni tise'pa ai'vonga si'nge pporo'chove me'cho'fa tsu. Toya'caen tise'pa tsove'su tose'qque ju'ru zuruchombi ni ondiccu'je'qque dañongembi toya'caen mingavieyi'qque juru've'e tssu'jiambitssi.

1 Reyes 12:32

Toya'caen tsu tsa chigama iñajaña'cho a'tave afa tsa ccovu ocho'su a'ta quincema. Nane Judáni Chigama iñajamba afe'choma oque oraemba afeqquia'caen tsu fae'ngatsse fiestaen'jeñe manda. Tsa'caen tsu Jeroboamjan Betelni japa ñoña'cho cori vauranga oque oraen'jen. Nane tsa chiga'can'me iñajan'jen'ttima Betelni ccutsiamba tseni'su afasundeccuma'qque ccutsiamba tseni Betelni japa ñoña'cho vaurama iñajan'jen'ttinga afe'choma afe.

Jueces 16:23

Filisteo'su nasundeccuja avujatsse bo'fa tise'pa chiga Dagónga ñotssia afe'choma oquepa afeye. Tsa'caen bopa qquen settapoen'fa: “Ingi chiga Dagón tsu ingi'ccu iyicco'su Sansónma patsupa inginga afe.”

Números 25:2

Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

Canjaen'cho 17:2

Poi ande'su nasundeccu tisei'ccu can'jemba egae tsincon'fa. Toya'caen poi aindeccu'qque tise vinoma cu'ipa ccusiqquia'caen tisei'ccu egae tsincon'fa.

Daniel 3:3

Tsa'caen ttu'sesi jipa tsu tsain'bitssi a'i tsa ñoña'chonga bo'fa tsama nani'chone fiestaeñe.